Goðamótum 2011 lokið

Þá er Goðamótunum árið 2011 lokið. Alls voru keppendur á mótunum milli 1600 og 1700 talsins og má áætla að annað eins af þjálfurum, fararstjórum og foreldrum hafi fylgt liðunum.

Mótin í ár tókust afar vel og hlökkum við til að sjá ykkur að ári liðnu. Þau lið sem tóku þátt í mótunum í ár eru í forgangi þegar byrjað verður að raða niður í þátttöku á næstu mótum en það fyrsta verður haldið um mánaðarmótin janúar-febrúar 2012.

kveðja, mótanefnd.

Flest úrslit sunndags orðin ljós

Góðan dag,

Við biðjumst velvirðingar á að ekket hafi gengið að setja úrslit hér inn á síðuna í dag. Smá tæknilegir örðuleikar. En hér að neðan getið þið nálgast úrslit úr öllum leikjum utan við úrslitaleikina sem hófust nú rétt fyrir kl.15:00

 

Skrár tengdar þessari bloggfærslu:

• 6.flokkur - leikjaplan

Laugardagur (uppfært 20:00)

Úrslitin halda áfram að hrúgast inn og mótið gengur vel í blíðunni hérna fyrir norðan. Nú eru öll úrslit í riðlum orðin klár og því hægt að sjá hvaða lið mætast í krossspili. Krossspili D- og E-liða er þegar lokið og ljóst hvaða lið mætast í leikjum um sæti þar.

Að venju verða úrslit uppfærð mjög reglulega hérna á síðunni okkar og hægt að fylgjast með í skjölunum sem fylgja þessari færslu.

Skrár tengdar þessari bloggfærslu:

• 6. flokkur riðlar
• 6.flokkur leikjaplan

Fyrstu leikir mótsins og nýjustu úrslit

Þá eru fyrstu leikir farnir á fullt og þegar þetta er skrifað er fyrstu leikjum dagsins þegar lokið. Það verður hægt að fylgjast með stöðu mála hérna í skjölum neðar á síðunni og úrslit verða uppfærð mjög reglulega.

Skrár tengdar þessari bloggfærslu:

• 6.flokkur - leikjaplan
• 6.flokkur - riðlar

Pedromyndir verða á staðnum og munið eftir Paradísarlandi

Góðan dag,

Alla mótsdagana verða ljósmyndarar frá Pedrómyndum á staðnum og mynda þátttakendur. Myndirnar verða svo seldar gegn vægu verði í Boganum. Allir ættu að geta fengið mynd af sínum knattspyrnusnilling :)

Paradísarland er skemmtilegur leikjagarður á Glerártorgi með leiktækjum og afþreyingu fyrir börn á öllum aldri. Öllum þátttakendum á Goðamóti býðst nú að heimsækja Paradísarland á afsláttarkjörum, aðgangurinn er aðeins 500 krónur á barn fyrir klukkutíma í Paradísarlandi.

Almennt er Paradísarland opið kl. 12.00-17.30 á laugardögum, en opið er fyrir þátttakendur á Goðamóti frá kl. 10 á laugardagsmorgni og einnig 9-13 á sunnudagsmorgni.

Til að auðvelda skipulag og koma í veg fyrir örtröð þurfa fararstjórar þeirra liða sem ætla að nýta sér tilboðið að skrá sig á tiltekinn tíma. Afsláttarmiðarnir og listar til skráningar liggja frammi í mótsstjórnarherbergi á annarri hæð í Hamri.

kveðja, mótsstjórn

 

Lokaútgáfa leikjaplans og riðla

Góða kvöldið,

Nú er búið að staðfesta leikjaniðurröðun og riðla. Eina breytingin frá fyrra plani er sú að Tindastóll fer úr A-liðum í B-lið og skiptir þar um sæti við gestaliðið frá Þór.

Skrárnar má nálgast hér að neðan.

Hlökkum til að sjá ykkur á föstudag! :)

kv. mótsstjórn

Skrár tengdar þessari bloggfærslu:

• 6.flokkur - leikjaplan
• 6.flokkur - riðlar
• Handbók Goðamótsins

Styttist í Goðamót 6.flokks karla - leikjaniðurröðun og riðlaskipting er klár!

Góðan dag,

Nú styttist hratt í Goðamót 6.flokks karla sem haldið verður um næstu helgi 25.-27. mars. Þjálfarar liðanna fengu um helgina sent leikjaplan mótsins en nú er það loksins komið hér á síðuna. Um er að ræða drög að leikjaplani en væntanlega og vonandi er þetta líka lokútgáfa.

Þið smellið einfaldlega á skrárnar tengdar þessari færslu til að skoða leikina og riðlanna.

Dagskrá mótsins ætti svo að koma hér inn á síðuna á morgun!

kveðja, mótsstjóri.

Skrár tengdar þessari bloggfærslu:

• 6.flokkur leikjaplan
• 6. flokkur riðlar

Myndir af verðlaunahöfum

 Nú eru myndir af öllum verðlaunahöfum 5. og 6. flokks kvenna komar í myndaalbúm. Fleiri myndir frá sunnudeginum eru væntanlegar inn síðar í dag og næstu daga.

 Goðamótsmeistarar A liða Valur

Breiðablik 1 var sigurvegari A- liða hjá 6. flokki

 

 Goðaskjöldin í ár hlautu Hattarmenn

Goðamóti 5. og 6.flokks kvenna 2011 lokið

Þá er 28. Goðamóti Þórs lokið og öll aðkomuliðin farin að hafa sig á stað til heimferðar. Mótið að þessu sinni var einkar skemmtilegt og vel heppnað að þessu sinni. Góður andi ríkti meðal allra sem tóku þátt og það er fyrir öllu.

Alla verðlaunahafa má nálgast hér að neðan! Við í Goðamótsnefnd þökkum öllum sem komu að framkvæmd mótsins, styrktaraðilum og starfsmönnum kærlega fyrir hjálpina. Að sjálfsögðu þökkum við svo stelpunum, foreldrum þeirra og þjálfurum kærlega fyrir komuna á mótið. Sjáumst að ári liðnu!

Goðaskjöldurinn! : HÖTTUR

 

6.flokkur

 

c-lið

3.sæti: Þór 2

2.sæti: Valur 3

1.sæti: Breiðablik 3

 

b-lið

3.sæti: KF

2.sæti: Höttur

1.sæti: Valur2

 

a-lið

3.sæti: Þór 1

2.sæti: KA 1

1.sæti: Breiðablik 1

 

5.flokkur

 

d-lið

3.sæti: Skallagrímur

2.sæti: Grótta

1.sæti: Þróttur

 

c-lið

3.sæti: Þróttur

2.sæti: Hvöt

1.sæti: Breiðablik

 

b-lið

3.sæti: Breiðablik 2

2.sæti: Breiðablik 1

1.sæti: Völsungur

 

a-lið

3.sæti: Breiðablik 1

2.sæti: Þór/KA 2

1.sæti: Valur

 

Skrár tengdar þessari bloggfærslu:

• lokastaða í riðlum 5. og 6.kvenna
• Öll úrslit Goðamótsins

Flest úrslit orðin ljós - úrslitaleikir í 5.flokki A-, B- og D-liða hafnir!

Nú er orðið ljóst hvernig liðin raða sér í sæti í 6.flokki. í A-liðum sigraði Breiðablik, Valur sigraði í B-liðum og Breiðablik í C-liðum.

Í 5.flokki B-liðum sigraði Völsungur!

Skrár tengdar þessari bloggfærslu:

• Nýjustu úrslit (13:25)
• lokastaða í riðlum 5. og 6.kvenna

Fyrstu úrslitaleikirnir búnir (Uppfært kl. 11:40)

Nú er fyrstu úrslitaleikirnir búnir og styttist í að úrslit ráðist í B-úrslitum. Úrslitin getið þið séð í skrám tengdum þessari færslu.

Nýjustu úrslit (uppfært kl. 18:10)

Fyrstu leikjum í krossspili var að ljúka og ráðast úrslit í A- C- og D-liðum í 5.flokki núna fyrir kvöldmat en B-lið spila í fyrsta leik í fyrramálið. Úrslit verða uppfærð hér á síðunni eftir hvern leik...  Spennan eykst því með hverri mínútu!

Með því að smella á meðfylgjandi skrár má sjá nýjustu úrslit og lokastöðu í riðlunum.

Skrár tengdar þessari bloggfærslu:

• 5. og 6.flokkur kvenna - leikjaplan
• 5. og 6.flokkur kvenna - riðlar

Allt farið á fullt á laugardegi

Þá eru leikir farnir á fullt á laugardegi og þegar þetta er skrifað er fyrstu leikjum morgunsins þegar lokið. Liðin úr 6.flokki hafa nú raðað sér niður í deildir eftir styrkleika og eru leikir þeirra nú lengri en í gær og að öllum líkindum jafnari og skemmtilegri.

Öll liðin fara í dag í hinn víðfræga Brynjuís og verður vonandi og væntanlega engin svikinn af honum. Annars er það að segja að mótið gengur mjög vel, stelpurnar eru til fyrirmyndar og standa sig mjög vel innan vallar og utan. 

Að lokum er svo vert að benda fólki á að skoða myndasíðurnar frá mótinu hér að neðan en þar eru þegar farnar að birtast myndir frá mótinu og er ætlunin að það birtist myndir frá öllum liðum.

kveðja, mótsstjórn

Leikjaniðurröðun og úrslit (uppfært kl.13:50)

Hægt er að sjá riðlana, úrslit og leikjaniðurröðun dagsins hérna í skjölunum að neða. Riðlarnir hjá 5flokk A-liða voru að klárast og búið að raða niður í krossspil sem verður kl. 17:15 í dag.

Skrár tengdar þessari bloggfærslu:

• 5. og 6.flokkur kvenna - leikjaplan
• 5. og 6.flokkur kvenna - riðlar

Nýjustu úrslit

Eins og alltaf þá munum við vera dugleg að uppfæra nýjustu úrslit hér á Goðamótssíðunni alla helgina. Nýjustu úrslit og stöður í riðlum getið þið nálgast með því að smella á skránna hér að neðan.

Skrár tengdar þessari bloggfærslu:

• 5. og 6.flokkur kvenna - leikjaplan
• 5. og 6.flokkur kvenna - riðlar

Handbók Goðamótsins

Handbók Goðamótsins er komin á netið í pdf-formi - smellið hér til að opna. Í handbókinni eru mikilvægar upplýsingar fyrir keppendur, fararstjóra og þjálfara um ýmislegt er varðar mótið og dvölina á Akureyri, ásamt auðvitað leikjaplaninu og riðlaskiptingunni.

Leiðrétting: Í handbókinni stendur að morgunmatur á sunnudag hefjist kl. 7.15 en hið rétta er að hann hefst kl. 6.45, eða klukkustund og korteri fyrir fyrsta leik.  

VEKJUM ATHYGLI Á ÖRLÍTILLI BREYTINGU Á LEIKJAPLANI SEM VARÐ Á FIMMTUDAGSKVÖLD. SJÁ HÉR Í FRÉTT AÐ NEÐAN!

Goða skemmtun!

Lokaútgáfa af leikjaplani og riðlaskiptingu (uppfært með breytingum í C-liðum, B-riðli kl.20:40 fimmtudag)

Góðan dag,

Með þessari færslu er ný útgáfa (töluvert breytt) af leikjaplani og leikjaniðurröðun frá því sem áður var auglýst hér á síðunni. Við biðjum alla að taka eldri drög úr umferð til að forðast misskilning.

Hafi lið áhuga á auka afþreyingu á meðan á móti stendur er nú komin skemmtileg leið til þess! Goðamótsnefndin hefur ákveðið að niðurgreiða miða fyrir keppendur mótsins í Paradísarland á Glerártorgi. Paradísarland er eins konar innanhússskemmtigarður þar sem margt skemmtilegt er í boði fyrir börn á þeim aldri sem keppa á mótinu núna. Miðinn kostar 500 krónur á mann og fyrir það fæst klukkustundar aðgangur. Þessa miða verður hægt að nálgast í mótsstjórn.

Gangi þessi tilraun vel er möguleiki að á næsta ári verði þessi möguleiki einfaldlega hafður inni í mótsgjaldinu (því miður gafst þess ekki kostur í ár því þetta kom upp með stuttum fyrirvara).  Við hvetjum liðin til að hafa með sér örfáar aukakrónur og nýta sér þessa afþreyingu, það er enginn svikinn af því að heimsækja Paradísarland. Paradísarland er opið á föstudag til kl. 18.30, og laugardag og sunnudag kl. 12-17.30.

Annars hlökkum við til að sjá ykkur öll eldspræk á föstudag!

kveðja, mótsstjórn

Skrár tengdar þessari bloggfærslu:

• 5. og 6.flokkur kvenna - riðlar
• 5. og 6.flokkur kvenna - leikjaplan

Goðamót TV - ný myndbönd

Nú er að mestu lokið myndbandavinnslu eftir fyrstu tvö Goðamótin (4kvk og 5kk) og næstum þrjátíu myndbönd komin inn á Youtube. Við förum kannski betur yfir allt myndefnið fljótlega og búum til myndbönd á gamansömum nótum til að bæta í safnið þannig að óhætt er að kíkja reglulega á rás Þórsara á Youtube.com. Ætlunin er að halda áfram á sömu braut á komandi mótum og þróa verkefnið jafnóðum og við lærum af reynslunni.

Tengla inn á myndbandalista fyrir hvert mót má finna á Goðamót TV-síðunni.

Ef þú ert að leita að upplýsingum um næsta mót kíktu þá á næstu frétt á undan þessari - þar er tengill á riðlaskiptingu og leikjadagskrá fyrir 5kvk og 6kvk.

Leikjadagskráin klár

Enn og aftur styttist í Goðamót og næstum allt að verða klárt fyrir mótið í 5. og 6. flokki kvenna sem verður 4.-6. mars.

Búið er að leggja lokahönd á riðlaskiptingu og uppsetningu leikjadagskrárinnar ogmá nálgast þær upplýsingar í pdf skjölum sem fylgja þessari frétt. Fyrstu leikir hefjast kl.16:00 á föstudag og mótinu ætti að vera lokið um kl.15:00 á sunnudag.

Eins og venjulega verður gist í Glerárskóla og vill mótsstjórn leggja áherslu á að móttaka liða hefst kl. 15.00 á föstudag í skólanum. Við biðjum liðin um að virða þá tímasetningu þannig að starfsfólk skólans fái tóm til að ganga frá að lokinni vinnuviku þar. Ef lið eru komin fyrr til Akureyrar eru þau velkomin í Hamar, félagsheimili Þórs, þar sem hægt er að setjast niður og slaka á þar til hleypt verður inn í skólann.

Handbók mótsins með margs konar gagnlegum upplýsingum, auk leikjadagskrárinnar, verður tilbúin síðar í vikunni og verður m.a. sett hér inn á mótssíðuna sem pdf-skjal. Þannig ættu allir, bæði þjálfarar, fararstjórar, keppendur og foreldrar að geta kynnt sér dagskrána, reglur og fleira.

Skrár tengdar þessari bloggfærslu:

• Leikjaplan
• Riðlaskipting

Goðamóti Þórs fyrir 5.flokk karla 2011 er lokið

 

Þá er Goðamóti Þórs fyrir 5.flokk karla árið 2011 lokið. Nánar fréttir af mótinu verða settar hér á síðuna í kvöld og á næstu dögum, þar með talin fjöldi ljósmynda og myndbanda frá mótinu.

Óhætt er að segja að Þórsarar hafi sýnt litla gestrisni innanvallar því þeir sigruðu Í A-, B-,C- og F-liðum. Fjölnir hafði sigur í D-liðum og Breiðablik í E-liðum.

Þökkum öllum þeim sem tóku þátt í mótinu kærlega fyrir helgina!

kv. mótsstjórn

Skrár tengdar þessari bloggfærslu:

• Öll úrslit Goðamóts 5.flokks karla 2011
• Lokastaða í riðlum og sætaröðun 5.flokks karla 2011