Nýjustu úrslit - krosspil og leikir um sæti í gangi

Eins og alltaf þá munum við vera dugleg að uppfæra nýjustu úrslit hér á Goðamótssíðunni alla helgina. Nýjustu úrslit getið þið nálgast með því að smella á skránna hér að neðan.

(Uppfært kl. 13.40 (sunnudag)).

Skrár tengdar þessari bloggfærslu:

• Nýjustu úrslit

Velkomin til Akureyrar!

Á sér síðu hér á blogginu - Goðamót TV - setjum við jafnóðum inn myndbönd frá mótinu eftir því sem við höfum tíma til að klippa og setja inn. 

Hér er fyrst stutt kveðja frá strákunum í 5. flokki Þórs til allra gesta á mótinu:

Laust pláss í 6.flokki karla 25.-27. mars nk.

Eitt lið hefur dregið sig úr keppni hjá 6.flokki karla helgina 25. - 27. mars nk. Það er því eins og staðan er núna laust á mótið, 55 lið eru skráð til leiks en við getum tekið á móti í allra mesta lagi 60 liðum. Hafið því hraðar hendur 6.flokks þjálfarar ef þið hafið áhuga á að vera með í mótinu, nú eða bæta við liðum hjá þeim sem þegar hafa skráð sig.

kv. mótsstjóri

Goðamót TV

Á Goðamóti 4. flokks kvenna á dögunum mundaði einn úr mótsnefndinni litla myndbandstökuvél. Reyndar skal viðurkennt að tökumaður náði ekki mörgum mörkum, yfirleitt var skorað á öðrum völlum en hann var að mynda hverju sinni.

Frá mótslokum hafa farið nokkrir hálftímar í að klippa saman efni og gera það birtingarhæft. Nú eru komin ein ellefu myndbönd frá mótinu inn á Youtube og eru tengingar á myndböndin á sér síðu hér á Goðamótsvefnum. Myndböndin má einnig finna á rás Þórs, thorsports, á Youtube.

Ætlunin er að halda áfram á sömu braut og þróa vinnsluna áfram.  Goða skemmtun!

Handbók Goðamótsins

Fararstjórar og þjálfarar fá Handbók Goðamóta útprentaða þegar liðin mæta á staðinn og gera upp mótsgjaldið (tvær á hvert lið). Í handbókinni eru hagnýtar upplýsingar um mótið, svo sem dagskrá og tímasetningar, gagnleg símanúmer, umgengnisreglur, keppnisreglur, riðlaskiptingu og leikjadagskrá.

Foreldrar heima og á staðnum, fararstjórar, þjálfarar og þátttakendur geta einnig opnað Handbókina hér á vefnum okkar (pdf-skjal) og prentað út.

Handbók Goðamóta Þór 2011 - 5. flokkur karla

Sjá einnig leikjadagskrána og riðlaskiptingu í sér skjali í frétt hér neðar. 

Goðamót - lokaniðurröðun á leikjaplani og riðlum

Góðan dag!

Hér kemur lokaútgáfa leikjaplans og riðlaskiptingar á Goðamóti 5.flokks karla 2011. Engar breytingar hafa verið gerðar á riðlaskiptingu en örlitlar breytingar á leikjaniðurröðun E og F-liða. 

Leikjaplaninu verður ekki breytt héðan í frá nema að eitthvað mikið komi upp á.

Þið smellið á skrárnar sem fylgja þessari færslu til að skoða leikjaplan og riðlaskiptingu.

kv. Jónsi mótsstjóri

Skrár tengdar þessari bloggfærslu:

• 5.flokkur karla - riðlar
• 5.flokkur karla - leikjaplan

Riðlaskipting og leikjaplan á Goðamóti 5.flokks karla (uppfært)

Með því að smella á tenglanna hér fyrir neðan má nálgast leikjaplan og riðlaskiptingu á Goðamóti 5.flokks karla.

Uppfært sunnudag kl.16:00. Engar breytingar nema að Mývetningur kemur inn í E-liða keppni í stað Fjölnis. Bið Mývetninga innilega afsökunar á þessum mistökum!

Skrár tengdar þessari bloggfærslu:

• 5.flokkur karla - leikjaplan
• 5.flokkur karla - riðlar

4 kvk - myndband - ísferð

Ísferð í Brynju með rútum frá SBA-Norðurleið og eðalbílstjórum úr innstu röðum Þórsara eru ómissandi og órjúfanlegur hluti af því að taka þátt í Goðamóti. Tökumaður skrapp með í eina ferð á mótinu hjá 4. flokki kvenna...

 

Riðlaskipting klár og leikjaplan tilbúið - kemur á vefinn í dag

Góðan dag,

Í dag munum við setja hér inn leikjaplan og riðlaskiptingu í Goðamóti 5.flokks karla sem fram fer um næstu helgi. Eflaust eru margir spenntir að sjá hvernig þetta kemur allt saman til með að líta út og munum við reyna að flýta okkur sem kostur er :)

kveðja, mótsstjórn

Myndbrot frá Goðamóti 4kvk

Einn úr mótsstjórninni gerði það sér og öðrum til gamans að veifa myndbandstökuvél á Goðamóti 4. flokks kvenna 4.-6. febrúar, reyndar mest á laugardeginum og sunnudeginum. Stundum gekk erfiðlega að hitta á mörkin en til eru eitthvað á þriðja hundrað myndbútar af undirbúningi, úr leikjum og af ýmsu í kringum mótið. Það tekur nokkurn tíma að vinna úr þessu öllu og klippa saman en hér er fyrsta brotið - smá sýnishorn af undirbúningnum fyrir mótið og umgjörðinni. Næstu myndbönd innihalda að sjálfsögðu meiri fótbolta en þetta. Hér er bara byrjunin...

 

Goðamóti 4.fl.kv 2011 lokið

Þá er fyrsta Goðamóti ársins 2011 lokið  og er óhætt að segja að virkilega vel hafi tekist til að þessu sinni. Keppni hefur sjaldan verið jafnari og skemmtilegri.

Liðin eru nú flest á heimleið eftir góða helgi en fyrir ykkur stelpur og foreldrar sem voru hér um helgina borgar sig að fylgjast aðeins með hérna á síðunni næstu daga því fjölgmargar myndir frá mótinu verða birtar (og hafa þegar verið birtar) auk myndbands sem klippt verður saman og sett á vefinn.

Fyrir hönd Goðamótsnefndar þakka ég ykkur öllum fyrir frábæra helgi og hlakka til að sjá ykkur að ári liðinu.

kveðja, Jónsi mótsstjóri

Úrslit ráðin

Eftir æsispennandi keppni eru öll úrslit mótsins ráðin. Verðlaunaafhendingin hefst eftir nokkrar mínútur í boganum og það væri gaman ef sem flestir létu sjá sig þar til að hylla sigurliðin. Eftir verðlaunaafhendinguna er síðan boðið upp á Goða pylsur fyrir utan Hamar.

 

A-lið

1.sæti - Breiðablik

2.sæti - KA

3.sæti - FH

 

B-lið

1.sæti - Þór

2.sæti - FH

3.sæti - Fjölnir

 

C-lið

1.sæti - Fjölnir

2.sæti - Tindastóll

3.sæti - Breiðablik

 

D-lið

1.sæti - Fylkir

2.sæti - Þór

3.sæti - Völsungur

Úrslitaleikir í gangi

Nú eru allir úrslitaleikir mótsins hafnir, þeir eru:

A-lið   Breiðablik - KA

B-lið   Þór - FH

C-lið   Fjölnir - Tindastóll

D-lið   Fylkir - Þór

 

Öll önnur úrslit mótsins eru klár og hægt er að skoða þau í meðfylgjandi skjölum.

 

 

Skrár tengdar þessari bloggfærslu:

• 4 kvk - riðlar og úrslit
• 4 kvk - úrslit leika og leikjadagskrá

A-lið

Nýjustu úrslit hjá A-liðum:

Leikur um bronsið:
FH -Fjölnir 3-1

A-lið B-úrslit (5.-6. sæti)
Þór - Fylkir 3-0

Skrár tengdar þessari bloggfærslu:

• 4.flokkur kvenna - riðlar

C og D-lið

Úrslitaleikjum um þriðja sæti hjá C og D-liðum var að ljúka, Breiðablik vann bronsverðlaunin hjá C-liðum, Völsungur vann bronsverðlaun D-liða.

C-lið
Þór/KA - Breiðablik 0-1

D-lið
Völsungur - Fjölnir 4-2

D-lið

Úrslit hjá D-liðum í morgun:

Undanúrslit:
Völsungur - Fylkir  0-1
Þór - Fjölnir 1-0

5.-8. sæti (B-úrslit)
Breiðablik - Þór/KA2  3-0
FH2 - FH1  4-1

Fylkir og Þór leika til úrslita um gullið kl. 12.20 (breyting frá leikjadagskrá), Völsungur og Fjölnir leika um bronsið kl. 11.40.

Breiðablik og FH2 leika um B-úrslita bikarinn kl. 13.00 og Þór/KA2 og FH1 leika um 7.-8. sæti kl. 11.40.

C-lið

Leikir C-liða í morgun:

Undanúrslit:

Fjölnir - Þór/KA  3-0
Breiðablik - Tindastóll  2-2 (Tindastóll vann á hlutkesti)

B-úrslit
HK - KR  0-1
Fjarðabyggð - BÍ 3-3 (BÍ vann á hlutkesti)

 Fjölnir og Tindastóll leika um gullið, Þór/KA og Breiðablik leika um bronsið, KR og BÍ leika um B-úrslita bikarinn og Fjarðabyggð og HK leika um 7.-8. sæti.

Nýjustu úrslit

Nýjustu úrslit í C- og D-liðum og leikjaniðurröðun er komin inn í skjölin hérna að neðan.

 

Þrjár breytingar hafa verið gerðar á leikjaniðurröðun og breytingarnar eru sem hér segir:

Tímabreytingar:
A-lið: Þór - Fylkir  kl. 12:20  Völlur:1
B-lið: Breiðablik - Fjölnir  kl. 13:00  Völlur: 3

Vallarbreytingar:
C-lið: KR - BÍ  kl. 13:00  Völlur: 1

Skrár tengdar þessari bloggfærslu:

• 4 kvk - riðlar og úrslit
• 4 kvk - úrslit leika og leikjadagskrá

B-lið

Úrslit úr leikjum B-liða, undanúrslit og 5.-8. sæti:

1.-4. sæti
Breiðablik - Þór 0-1
Fjölnir - FH 0-1

5.-8. sæti
KA - KF 2-1
Völsungur - Fylkir = (jafnt eftir framlenginu, Fylkir vann á hlutkesti)

Lokaleikir hjá B-liðum:

Gull - kl. 13.40: Þór - FH (völlur 2)
Brons - kl. 12.20: Breiðablik - Fjölnir (völlur 1)

B-úrslit (5.-6.) - kl. 13.00: KA - Fylkir (völlur 2)
7.-8. sæti - kl. 12.20: KF - Völsungur (völlur 2)

Skrár tengdar þessari bloggfærslu:

• 4 kvk - riðlar og úrslit
• 4 kvk - úrslit leika og leikjadagskrá

Lokadagurinn hafinn

Fyrstu leikir sunnudagsins eru hafnir og eru það B-liðin sem fyrst rísa úr rekkju.

Í undanúrslitum B-liða leika Breiðablik-Þór og Fjölnir-FH. Sigurliðin leika um gullið og tapliðin um bronsið. Í keppni um 5.-8. sæti (B-úrslit) hjá B-liðum leika KA-KF og Völsungur-Fylkir. Fyrir þá sem ekki vita þá er KF skammstöfun fyrir Knattspyrnufélag Fjallabyggðar og því arftaki Leifturs og KS. Sigurliðin í þessum leikjum leika um B-úrslita bikar en tapliðin leika um 7.-8. sæti.

Kl. 9.40 hefjast undanúrslit C-liða. Þar eigast við Fjölnir-Þór/KA og Breiðablik-Tindastóll þar sem sigurliðin leika síðan um gullið og tapliðin um bronsið seinna í dag. Þess má geta að þrjú lið urðu jöfn í öðru sæti í öðrum riðlinum og því var dregið um röð þeirra á fararstjórafundi í gær. Þar var það Breiðablik sem hafði heppnina með sér og komst í úrslitin, en HK og Fjarðabyggð fara í keppni um 5.-8. sætið (B-úrslit). Sigurliðin í þessum leikjum leika um B-úrslita bikarinn en tapliðin um 7.-8. sæti.

Undanúrslit D-liða hefjast síðan kl. 10.20. Þar eigast við Völsungur-Fylkir og Þór-Fjölnir og fara sigurliðin í leik um gullið en tapliðin leika um bronsið. Hjá D-liðum leika Breiðablik-Þór/KA2 og FH2-FH1, sigurliðin leika um B-úrslita bikarinn en tapliðin um 7.-8. sæti.

Undanúrslit A-liða fóru fram í gær. Breiðablik vann Fjölni, 3-0, en FH og KA skildu jöfn, 1-1, eftir framlengdan leik. Þá var varpað hlutkesti og hafði KA heppnina með sér og leikur því til úrslita gegn Breiðabliki, en FH og Fjölnir leika um bronsið. Í B-úrslitum A-liða leika Fylkir og Þór, og um 7.-8. sæti leika Tindastóll og KR.  

Þess má geta að þrisvar þurfti að varpa hlutkesti eða draga um röð liða í gær. Fyrst voru það Þór og Fjölnir sem enduðu jöfn í 2. sæti síns riðils hjá A-liðum og höfðu gert jafntefli sín á milli þannig að þá kom til hlutkestis sem Fjölnir vann og komst þar með í úrslitin en Þórsstelpur í keppni um 5.-8. sæti (B-úrslit). Síðan var jafnt hjá FH og KA í undanúrslitum A-liða og vann KA það hlutkesti og leikur því um gullið. Loks voru síðan þrjú lið jöfn í öðru sæti í öðrum riðlinum hjá C-liðum og var dregið um röð þeirra á fararstjórafundi í gærvköldi. Röðin þar varð: Breiðablik-HK-Fjarðabyggð. Það skondna við þann drátt að fulltrúar HK og Fjarðabyggðar voru á staðnum og drógu sín spil, drottningu og gosa, en enginn fulltrúi frá Breiðabliki var á fundinum og fékk Breiðablik því síðasta spilið - sem var kóngurinn.

Skrár tengdar þessari bloggfærslu:

• 4 kvk - úrslit leika og leikjadagskrá
• 4 kvk - riðlar og úrslit