895 mörk

Um helgina fóru fram 145 leikir á Goðamóti 6. flokks. Alls voru skoruð 895 mörk á mótinu sem gera rúmlega 6 mörk að meðaltali í hverjum leik. Það er nýtt met - meðaltalið hefur yfirleitt verið um 5 mörk í hverjum leik Goðamótanna.

Athugasemdir

[Magnús Rúnarsson (IP-tala skráð) 17.3.2008 kl. 15:32]

Smá ábending. Fyrst verið er að skrá mörk í mótinu þarf að vanda það aðeins betur. Óskráð eru 77 mörk t.d. í síðasta leik hjá mínu liði var erlendur dómari sem gat ekki tjáð sig við drengina og komu engin mörk frá þeim leik sem voru 7. Samt sem áður frábært mót takk fyrir.

[Mótsstjórn (IP-tala skráð) 17.3.2008 kl. 22:50]

Sæll Magnús

Við reynum að skrá mörkin eins rétt og okkur er unnt en í tilfellum sem þú nefnir þá er ekki unnt að skrá þau mörk rétt og einnig eru sjálfsmörk ekki skráð en þau eru nokkuð mörg. 

[Haraldur Ingólfsson (IP-tala skráð) 18.3.2008 kl. 09:47]

Á móti þar sem mikil áhersla er lögð á að lið græði ekkert á því að vinna stóra sigra og úrlist ekki skráð nema með hámarks mun upp á þrjú mörk er það "ekki-frétt" að sett hafi verið markamet á mótinu. Þessa frétt hefði raunar aldrei átt að skrifa og ekki heldur að tilkynna við verðlaunaafhendinguna.

Þetta "markamet" er væntanlega að hluta til komið vegna þess að einhverjir þjálfarar hafa ofmetið liðin sín og keppt í flokki þar sem liðið átti alls ekkert erindi og líka vegna þess að einhverjir vanmátu liðin sín, um það voru nokkur dæmi. Vona bara að slíkt vanmat sé ekki með vilja gert til að ná í auðvelda verðlaunagripi.

[Þorsteinn Þormóðsson, 18.3.2008 kl. 22:35]

Sammála Haraldi! Því miður voru dæmi um það á þessu móti að menn "róteruðu" liðunum til að reyna að ná í verðlaunagripi! Mótsstjórnin var með fund á föstudeginum til að fara yfir þessi mál og reyndi að höfða til samvisku þjálfara! En ekki fóru allir eftir því! Við á Grenivík vorum líklega með yngsta lið mótsins´. Í öðru liðinu voru 9 börn úr 7. flokki og 3 í 6. flokki. Úrslitin voru því ansi skrautleg! Mig langar þó að sérstaklega að hrósa þjálfara Þórs en hann fækkaði í liði sínu þegar ljóst var að um ójafnan leik yrði að ræða!

Þakka annars fyrir frábært mót!

[Alma Stefánsdóttir (IP-tala skráð) 19.3.2008 kl. 22:39]

ég ætlaði að spyrja hvers vegna allar myndirnar úr móti 4.flokks kvenna séu farnar útaf síðunni ? ;o

[berglind leifsdóttir (IP-tala skráð) 7.4.2008 kl. 00:07]

sælir var líka að spá hvers vegna engar myndir eru af 5 flokki karla það eru myndir sem skráðar eru á þá en eru af 6 flokki kk en ekki 5 flokki