29.2.2008 | 10:43
Strákarnir hefja leik í dag
Annað Goðamót ársins hefst í Boganum í dag og um þessa helgi eru það strákar í 5. flokki sem leika. Stemmningin var frábær um síðustu helgi þegar stelpur í 4. og 5. flokki hvaðanæva af landinu öttu kappi og miðað við reynslu síðustu ára verður ekki síður skemmtilegt núna um helgina. Strákarnir hafa lengi beðið spenntir eftir að koma á Goðamótið og draumurinn er nú loks að verða að veruleika. Fyrstu leikirnir hefjast kl. 15.00.
Ekki er vitað annað en stóru strákarnir á myndinni verði á ferð með flautuna í Boganum eins og um síðustu helgi. Lengst til hægri er Páll Magnússon, dómari og stjórnarmaður hjá Þór til áratuga, í miðjunni Þóroddur Hjaltalín Þórsari og einn af A-dómurum landsins og lengst til vinstri Jan Erik Jessen, bráðefnilegur dómari úr röðum Þórsara. Jan Erik varð fyrir þeirri óvæntu reynslu um síðustu helgi að þurfa að fara meiddur af velli, blóðugur og aumur í andliti, eftir að ein stelpan þrumaði boltanum framan í hann. Þetta var í fyrri hálfleik, Unnsteinn Jónsson formaður knattspyrnudeildar hljóp í skarðið á meðan gert var að meiðslum Janna, sem kom svo galvaskur aftur inná í seinni hálfleik.
Vonandi gengur dómurum, leikmönnum, þjálfurum, liðsstjórum, forráðamönnum, foreldrum og öðrum áhangendum allt í haginn um helgina.
Eldri færslur
- Febrúar 2013
- Janúar 2013
- September 2012
- Mars 2012
- Febrúar 2012
- Janúar 2012
- Október 2011
- September 2011
- Mars 2011
- Febrúar 2011
- Janúar 2011
- Nóvember 2010
- Október 2010
- September 2010
- Apríl 2010
- Mars 2010
- Febrúar 2010
- Janúar 2010
- Mars 2009
- Febrúar 2009
- Janúar 2009
- Mars 2008
- Febrúar 2008
- Október 2007
- Mars 2007
- Febrúar 2007
Tenglar
Heimasíður tengdar Goðamótum
- Goðamót TV á Youtube Samansafn myndbanda á vegum Goðamótanna
- Eldri vefur Goðamóta
- Íþróttafélagið Þór
- Landsbankamót Þórs
- Myndir frá Goðamótum 2005 og 2006
Athugasemdir
Til hamingju með Goðamótið 2008 Ég hef verið á Goðamóti og það var frábær skemmtun fyrir okkur fjölskylduna alveg meiriháttar upplifun og skemmtun Ég veit að þið norðanmenn verðið sko fljótir að setja upplýsingar um stöðu leikja, myndir og annað þessháttar inná þessa fínu síðu svo við spenntu foreldrar við tölvuna getum verið með ykkur í anda og sannleika þegar úrslitin ganga yfir og spennan nær hámarki! Go go go all the good and healthy football in world
Svanfríður Ósk (IP-tala skráð) 29.2.2008 kl. 13:17
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.