HK ekki með

Lið HK úr Kópavogi mætti því miður ekki til leiks á Goðamótið í dag. Þrjú lið frá félaginu voru skráð á mótið, A-, B- og C-lið, og fækkar því leikjum þeirra sem áttu að mæta HK-ingum í riðlakeppninni.

Fyrstu leikjum lokið

Úrslit

Hátíðin að hefjast

Flautað verður til leiks á Goðamóti 5. flokks stúlkna núna kl. 16 í Boganum. Þá eru fjórir leikir á dagskrá í keppni A-liða og síðan rekur hver viðureignin aðra. Leikið er til klukkan 21 í kvöld, fyrstu leikir á morgun byrja kl. 9.20 og þeir síðustu kl. 18 en annað kvöld kl. 20.30 verður stórleikur í Boganum þar sem tvö af bestu kvennaliðum landsins, Þór/KA og Valur, leiða saman hesta sína í Lengjubikarkeppninni. Þær tæplega 400 stelpur sem eru á Goðamótinu ættu ekki að láta þann lærdóm að horfa á leikinn framhjá sér fara. Á sunnudaginn hefjast fyrstu leikir kl. 9.20 og mótinu lýkur með pomp og prakt um kl. 14 á sunnudaginn.

Matur við vægu verði í Hamri

Matur hefur verið til sölu við vægu verði í Hamri meðan á Goðamótum vetrarins stendur og svo verður áfram um helgina, vegna góðra viðbragða fram að þessu.

Á föstudaginn hefja keppni stúlkur í 5. flokki og leika listir sínar í Boganum þar til á sunnudag. Með hléum þó... Þær eru hvaðanæva af landinu sem fyrr.

Foreldrar og aðrir aðstandendur krakkanna hafa gripið tækifærið fegins hendi, að geta keypt sér að borða í Hamri en þar er boðið upp á hina rómuðu Þórskjötsúpu, auk þess pasta og brauð. Þá er bakkelsi á boðstólum, t.d. vöfflur, kaffi og kakó bæði á laugardag og sunnudag.

Goðamót Þórs 5. flokkur kvenna 2010

Leikjaplan. riðlar og dagskrá!

Breyting á dagskrá, kvöldvaka fellur niður en í staðinn verður stórleikur í kvennaboltanum!

Þór/KA - Valur kl. 20:30

Skrár tengdar þessari bloggfærslu:

• 5. flokkur kvenna leikir 2010
• 5. flokkur kvenna dagskrá 2010
• 5. flokkur kvenna riðlar 2010

A-lið Blika fékk gullið

 

Strákarnir í Breiðabliki sigruðu KA 4:1 í úrslitaleik A-liðakeppninnar á Goðamótinu í dag.

Fjölnismenn fengu gull í B-liðakeppninni eftir 5:2 sigur á Breiðabliki 2 í úrslitaleiknum, Breiðablik vann hins vegar úrslitaleik C-liðanna gegn Leikni 3:1 og Þórsarar fengu gull í keppni D-liðanna eftir 3:0 sigur á Breiðabliki 1 í úrslitaleiknum.

Fjölnir hafði líka sigur í keppni E-liðanna, vann Fjarðabyggð 3:1 í úrslitaleik og í F-liðakeppninni fögnuðu Völsungar sigri; unnu Fylki 2:0 í úrslitaleik.

Myndir frá keppni dagsins koma inn á síðuna í kvöld sem og af öllum liðunum sem fengu verðlaun.

Leikjum lokið á Goðamóti 5. flokks

Úrslit

Skrár tengdar þessari bloggfærslu:

• 5. flokkur 2010 - Úrslit leikja
• 5. flokkur 2010 - Riðlar
• 5. flokkur 2010 Mörk

Leikir um sæti byrjaðir

Leikir um 3. sæti í keppni E og F-liða hófust núna klukkan 12. Það eru F-lið Þróttar og Vals sem eigast við og hjá E-liðunum BÍ 88 og Breiðablik 1.

Að þeim leikjum loknum, kl. 12.40, mætast Þróttur og Breiðablik 2 í leik um 3. sætið í keppni D-liða og á sama tíma Þróttur og Þór í C-liðakeppninni.

Höttur og Breiðablik 1 leika um 3. sæti og silfurverðlaun í B-liðakeppninni kl. 13.20 og á sama tíma verður flautað til leiks Þórs og Þróttar, sem bítast um 3. sæti í keppni A-liðanna.

Að þessu loknu fara fram svokölluð B-úrslit, þar sem eigast við liðin sem lentu í neðstu sætum riðlakeppninnar framan af mótinu.

Úrslitaleikirnir sjálfir hefjast svo kl. 14.40 - þegar E-lið Fjarðabyggðar og Fjölnis mætast annars vegar og F-lið Fylkis og Völsungs hins vegar.

Síðustu fjórir leikir mótsins hefjast svo kl. 15.20; leikirnir um síðustu gullverðlaunin. Leikirnir eru þessir:

A-lið Breiðablik - KA

B-lið Fjölnir - Breiðablik 2

C-lið Breiðablik - Leiknir

D-lið Breiðablik 1 - Þór

Breiðablik úr Kópavogi er sem sagt með fjögur lið í úrslitum.

Úrslit sunnudags kl. 14:30

Úrslit og spilað um sæti.

Skrár tengdar þessari bloggfærslu:

• 5. flokkur 2010 - Úrslit leikja
• 5. flokkur 2010 - Riðlar

Nýjustu úrslit og lokastaða í öllum riðlum... (kl.22:00)

Þá er komið á hreint hvaða lið mætast í leikjum um sæti hjá A- og B-liðum. Leikjum laugardags er lokið.

Skrár tengdar þessari bloggfærslu:

• 5. flokkur 2010 - Úrslit leikja