Frábært veður

 

Veðrið hefur leikið við Akureyringa og fjölmarga gesti þeirra um helgina. Nú er eins stigs frost hér í höfuðstað Norðurlands, sól og logn. Veðrið var reyndar enn betra í gær og á það þó varla að vera hægt!

Aðstæður eru frábærar í Hlíðarfjalli þar sem hefur verið krökkt af fólki alla helgina - margir foreldrar sem eru hér nyrðra með strákunum sínum á Goðamótinu eru með skíðin í farteksinu og dvela í fjallinu góða stund dag hvern.

Myndin er tekin af svölunum á Hamri, félagsheimili Þórs - þarna er áhorfendastúkan glæsilega sem verið er að byggja og verður tilbúin áður en Landsmót Ungmennafélags Íslands fer fram á svæðinu í sumar.

Breiðablik 3 E-liðameistari

Breiðablik 3 vann keppni E-liða, sigraði Breiðablik 2 í úrslitaleiknum, 4:1.

Þróttur 2 varð í þriðja sæti, vann Þrótt 1 úrslitaleiknum 1:0.

Blikar gegn Blikum og Blikar gegn Blikum!

Óhætt er að segja að Breiðablik úr Kópavogi hafi stolið senunni á Goðamótinu að þessu sinni. Blikarnir eru þegar búnir að vinna keppni D-liðanna, A-liðið leikur úrslitaleikinn á eftir gegn Þrótti og í keppni B, C og E-liða mæta tvö Breiðablikslið í úrslitunum í öllum tilfellum.

Úrslitaleikirnir eru þessir:

A-lið Þróttur - Breiðablik               kl. 14.00

B-lið Breiðablik 2 - Breiðablik 1     kl. 13.20

C-lið Breiðablik 2 - Breiðablik 1     kl. 12.00

D-lið Breiðablik 1 - Grótta             3:0

E-lið Breiðablik 3 - Breiðablik  2    Leikurinn stendur yfir

Myndir og fréttir!

Það koma myndir inn á vefinn um hádegið og úrslit leikja og stöðuna má sjá hér til hliðar!

Gaman í Boganum

 

Fyrsti keppnisdagur Goðamótsins fór sérlega vel fram. Mótið um helgina - þar sem eigast við strákar í 5. flokki alls staðar að af landinu - er það stærsta í sögu Goðamótaraðarinnar. Hér eru 506 keppendur auk allra þjálfaranna, fararstjóranna og foreldranna sem fylgja með.

Flestir eru frá Breiðabliki í Kópavogi; hvorki fleiri né færri en 94 leikmenn Breiðabliks eru með á mótinu um helgina en alls eru strákarnir frá 14 félögum.

Keppni hófst í morgun klukkan átta og síðustu leikjunum í kvöld lauk kl. 22.40 og boltinn fer að rúlla strax í fyrramálið kl. átta. Síðustu leikjum annað kvöld (laugardagskvöld) lýkur kl. 20.30 og þá hefst diskótek í íþróttahúsi Glerárskóla. Á sunnudagsmorgun verður aftur flautað til leiks klukkan átta og úrslitaleikjunum lýkur ekki fyrr en kl. 14.30.

Svo virðist sem úrslitakerfið sé eitthvað að stríða okkur. Úrslit allra leikja hafa verið skráð samviskusamlega inn í kerfið í dag en eru að mestu leyti ósýnileg! Við reynum að kippa því í liðinn strax eldsnemma í fyrramálið.

Myndir frá fyrsta keppnisdegi eru komnar í myndaalbúmið hægra megin á síðunni og svo fleiri myndir á morgun.

5. flokkur karla 2009 - Úrslit!

Það eru ljós úrslit í A, B, C, D og E liðum.

 Upplýsingar um markaskorara eru komnar inn.

Skrár tengdar þessari bloggfærslu:

• Úrslit í leikjum
• Staðan í A, B, C, D og E
• Markaskorarar

Goðamót 5. flokks 2009 - Nýtt leikjaplan!

Hér fyrir neðan er nýtt leikjaplan á pdf og xls formi.

Dagskráin er klár hér til hliðar

 

Skrár tengdar þessari bloggfærslu:

• Leikjaplan pdf
• Leikjaplan xls

Myndir af sigurliðunum

 

 

 

 

 

 

 

 

 

Myndir af sigurliðunum á Goðamóti helgarinnar má sjá í myndaalbúminu hægra megin á síðunni. Þetta eru Þórsstelpurnar sem fengu gullverðlaunin í keppni A-liða.

Úrslit í Goðamóti 4. flokks kvenna 2009 liggja fyrir!

Í úrslitakeppni A liða sigraði Þór, HK varð í öðru sæti og KS/Leiftur í þriðja.

Í B liðum sigraði Þór, Fjarðabyggð í öðru sæti og í þriðja sæti varð HK.

Í keppni C liða sigraði Magni, HK í öðru sæti og Fjarðabyggð í þriðja.

Það er einnig spila til úrslita meða neðri liða og þar urðu sigurveigarar í A liðum FH, í B liðum Tindastóll og í C liðum Þór.

Allar upplýsingar má finna hér til hægri 4. flokkur kvenna úrslit leikja 2009

 

Mótinu verður slitið með verðlaunaafhendingu, grilluðum Goðapylsum og Coke um kl. 12.

Lokaspretturinn hafinn

Síðasti keppnisdagur á Goðamótinu er hafinn. Blásið var til fyrstu leikja dagsins núna kl. 10.00 og þeir síðustu hefjast kl. 11.20. Úrslitin eiga því að liggja fyrir um hádegið. Myndin er úr leik Leiknis og Magna frá því í gær.

Í A liðum er hreinn úrslitaleikur í riðlinum milli HK og Þór, hjá B liðum standa Þórsara best að vígi en í C liðum ráðast úrslitin í leik HK og Magna.

Myndir og úrslit

 

Myndir frá leikjum dagsins eru komnar inn í myndaalbúmið hér hægra megin á síðunni og miklu fleiri bætast við á morgun, laugardag, og á sunnudaginn.

Öll úrslit leikja á mótinu eru skráð á síðuna fljótlega eftir að leikjum lýkur. Þau er að finna vinstra megin á forsíðunni; veljið flokkinn Síður og þar strax fyrir neðan eru úrslitin.

Meðfylgjandi mynd er úr leik B-liða Völsungs og Fjarðarbyggðar, en stúlkurnar að austan unnu þar öruggan sigur, 3:0.

Vel heppnaður fyrsti dagur

 

Keppni gekk mjög vel á fyrsta degi Goðamótsins að þessu sinni og stelpurnar byrja aftur klukkan tíu í fyrramálið.

Hér eru stelpur frá tíu félögum, en tvö hættu við að koma á síðustu stundu vegna slæms veðurútlits. Bæði áttu um langan að fara, BÍ frá Bolungarvík og Sindri frá Hornafirði, og sendum við stelpunum þar okkar bestu kveðjur. Við vonum að þær komi á næsta ári í staðinn og fylgist vel með mótinu hér á heimasíðunni að þessu sinni.

Af höfuðborgarsvæðinu eru nú lið frá HK, Leikni og HK, lið Fjarðarbyggðar kemur að austan og svo taka þátt norðlensku félögin Völsungur, KS/Leiftur, Tindastóll, Magni og KA auk stelpnanna okkar í Þór.

Myndin er úr leik C-liða Magna og Þórs.

4. flokkur kvenna úrslit 2009

Sunnudagur	Völlur	Lið	Leikur		Úrslit
10:00	1	4A	HK	Þór	1	-	3
	2	4A	KS/Leiftur	KA	4	-	2
	3	4A	Fjarðabyggð	FH	1	-	3
	4	4A	Völsungur	Leiknir	2	-	2
10:40	1	4B	Þór	KA	2	-	0
	2	4B	Fjarðabyggð	HK	0	-	0
	3	4B	Tindastóll	FH	1	-	0
	4	4B	Völsungur	KS/Leiftur	1	-	1
11:20	1	4C	Magni	HK	3	-	2
	2	4C	Leiknir	Fjarðabyggð	1	-	2
	3	4C	Þór	Tindastóll	1	-	0
	4	4C	FH	KA	5	-	2

Skrár tengdar þessari bloggfærslu:

• Riðlar
• Úrslit
• Markaskorarar
• Úrslitakeppni

Flautað til leiks

Nú er verið að flauta til fyrstu fjögurra leikjanna á fyrsta Goðamóti ársins. Alls keppa um það bil 30 lið frá 10 félögum en þetta er í fyrsta skipti sem sérstakt mót er fyrir 4. flokk kvenna.

Spenna er mikil í Boganum enda margir búnir að bíða í heilt ár eftir þessu skemmtilega móti!

Þetta er sjöunda árið sem við Þórsarar höldum Goðamót og mótið um helgina er það átjánda í röðinni.

Fylgst verður vel með mótinu um helgina, í máli og myndum.

Ballið byrjar á morgun

Fyrsta Goðamót ársins hefst á morgun og víst að margir hafa hlakkað til lengi. Það eru stelpur í 4. flokki sem ríða á vaðið og verða á fullri ferð í Boganum frá því klukkan fimm á morgun og þar til í hádeginu á sunnudag. Með hléum þó!

Keppendur eru að vanda víða af landinu. Það eru A-lið sem hefja mótið á morgun en fyrstu leikirnir eru þessir:

HK - Fjarðarbyggð

Völsungur - KS/Leiftur

Leiknir - KA

FH - Þór

Stelpurnar verða meira og minna á svæðinu allan tímann, því utanbæjarliðin gista í Glerárskóla og borða þar bæði morgunmat og kvöldmat. Í Hamri, félagsheimili Þórs, er boðið upp á hressingu í hádeginu á laugardag.

Stelpunum er boðið í sund í Sundlaug Glerárskóla og í íþróttahúsinu verður dansleikur á laugardagskvöldið. Þetta er í fyrsti skipti á Goðamóti sem slík samkoma er haldin og eru það nemendur 10. bekkjar skólans sem standa fyrir henni. Keppendum á Goðamótinu koma á skemmtunina sér að kostnaðarlausu en aðrir grunnskólanemendur á Akureyri eru líka boðnir velkomnir á ballið gegn vægu gjaldi.

Innangengt er bæði í íþróttahúsið og sundlaugina úr Glerárskólanum þar sem gestir Goðamótsins búa.

Leikjaplan 4. flokkur kvenna 2009 - Nýtt og endurbætt!

Leikjaplan 4. flokkur kvenna 2009

Skrár tengdar þessari bloggfærslu:

• Leikjaplan

Fjögur mót á næsta ári

Ákveðið hefur verið að halda fjögur Goðamót á næsta ári!

Eitt fyrir 5. flokk stráka og annað fyrir 6. flokk stráka, að vanda. En einnig verða haldin tvö stelpnamót, aðsóknin er svo mikil að á sameiginlegt mót 4. og 5. flokks stelpna komast ekki nærri allir að sem vilja þannig að haldið verður sitt hvort stelpnamótið - eitt fyrir 4. flokk og annað fyrir 5. flokk.

Dagsetningarnar verða þessar:

4. flokkur kvenna 23. - 25. janúar

5. flokkur karla 27. febrúar til 1. mars

5. flokkur kvenna 13. til 15. mars

6. flokkur karla 27. til 29. mars

895 mörk

Um helgina fóru fram 145 leikir á Goðamóti 6. flokks. Alls voru skoruð 895 mörk á mótinu sem gera rúmlega 6 mörk að meðaltali í hverjum leik. Það er nýtt met - meðaltalið hefur yfirleitt verið um 5 mörk í hverjum leik Goðamótanna.

Ingólfur yngstur til að skora?

Í skilaboðum sem okkur bárust hér inn á síðuna kemur fram að Ingólfur sem skoraði eitt mark fyrir E-lið Magna á mótinu um helgina er aðeins sex ára, hann verður sjö ára í september.

- Ég held að það séu nokkuð miklar líkur á því að hann sé sá yngsti sem hefur skorað á Goðamóti, skrifaði Magnamaðurinn sem sendi okkur línu. Það kann vel að vera rétt.

Til hamingju með markið, Ingólfur.

Tvö stelpnalið

 

Nokkrar stelpur voru með í liðunum um helgina. Þótt um sé að ræða mót fyrir 6. flokk stráka eru stelpurnar að sjálfsögðu velkomnar, enda æfa þær oft með strákunum - sérstaklega á fámennum stöðum þar sem krakkar eru ekki mjög margir. Góð dæmi um það eru Grenvík og Djúpivogur; stelpur hafa í gegnum árin verið í liði Magna og staðið sig frábærlega og stelpurnar í liði Neista gáfu strákunum að sjálfsögðu ekkert eftir. Neisti var nú með í fyrsta skipti á mótinu. En segja má að lið Fjarðabyggðar hafi vakið einna mesta athygli um helgina - auk hefðbundinna strákaliða átti Fjarðabyggð nefnilega tvö lið á mótinu sem eingöngu voru skipuð stelpum!