Goðamót 6. flokks 2009

Leikirnir byrja kl. 16. og það verða spilaðir 160 leikir.

Úrslit að staða mun birtast á fastri síðu hér til vinstri!

6. flokkur 2009 - Úrslit og lokastaða í riðlum

Úrslit og staða í riðlum á Goðamóti 6. flokks 2009

Skrár tengdar þessari bloggfærslu:

• Úrslit í leikjum 6. flokkur 2009
• Riðlar A, B, C, D og E

Blikar fengu öll gullverðlaunin

 

Breiðablik vann gullverðlaun í keppni A-liðanna eftir skemmtilegan og spennandi úrslitaleik við heimamenn í Þór. Blikarnir nældu líka í gullverðlaun í keppni B-liðanna - unnu Val 4:1 í úrslitaleiknum og Breiðablik fékk líka gull í keppni C-liðanna. Þar var ekki eiginlegur úrslitaleikur, og þó; tvö Blikalið voru efst og jöfn fyrir síðasta leikinn, þar sem þau mættust.

Þórsarar komust í 2:0 í úrslitaleik A-liðanna og þannig var staðan í hálfleik. Blikarnir komu mjög ákveðnir til leiks eftir hlé og náðu að jafna áður en yfir lauk. Því var gripið til framlengingar og hér á Goðamótinu gildir reglan um gullmark; Breiðablik náði að skora í framlengingunni og þar með lauk leiknum og þær grænklæddu úr Kópavogi fögnuðu ákaft.

Til hamingju með gullið Blikar!

Full ástæða er til þess að óska Þórsurum líka til hamingju, með silfrið. Auðvitað er leiðinlegt að tapa en Þórsstelpurnar stóðu sig mjög vel. Það gerðu KA-menn og Þróttarar líka; liðin mættust í leik um þriðja sæti A-liðanna, honum lauk með jafntefli, 1:1 og ekki var skorað í framlengingu. Þess vegna var hlutkesti varpað og KA-menn unnu það. Þeir fengu því bronsið.

A-lið Breiðabliks er að ofan. Myndin var tekin við verðlaunaafhendinguna sem lauk í Boganum fyrir tæpum klukkutíma.

Myndir af öllum verðlaunaliðunum og fleiri myndir úr leikjum dagsins verða settar inn í albúmið hægra megin á síðunni seinna í dag.

Breiðablik og Þór leika til úrslita í A-liðakeppninni

Breiðablik og Þór leika til úrslita í keppni A-liðanna á Goðamótinu. Breiðablik vann Þrótt 2:0 og Þórsarar unnu KA-menn 3:0 í undanúrslitunum. Þróttur og KA leika því um bronsið.

Í B-liðakeppninni mætast Breiðablik og Valur í úrslitaleiknum en um bronsið leika Þór og Skallagrímur.

Til úrslita leika um gullið í C-liðakeppninni leika tvö Breiðablikslið.

Efri myndin er úr leik Þórs og KA í undanúrslitunum A-liðakeppninnar í morgun og sú neðri var tekin þegar Breiðablik og Þróttur mættust í hinum undanúrslitaleiknum.

Línur að skýrast

 

Senn líður að lokum Goðamóts helgarinnar - 20. Goðamóts okkar Þórsara frá upphafi. 

C-liðin hófu leik kl. 9.30, B-liðaleikir byrja kl. 10.10 og svo hefjast fjórir A-liðaleikir kl. 10.50. Um hádegisbil hefjast leikir um sæti.

A-liðin kepptu í tveimur riðlum. Í öðrum urðu Þórsarar efstir með 12 stig og Þróttara fengu 9 stig. Í hinum riðlinum nældi Breiðablik í 12 stig og KA 9. Baráttan um efstu sætin verða því á milli þessara liða.

Í keppni B-liða stóð Valur sig best í gær í öðrum riðlinum, fékk 12 stig, en Völsungur, KA og Skallagrímur fengu öll 6 stig. Breiðablik vann hinn riðilinn með 12 stig en Þór varð í öðru sæti með 9.

Þrír riðlar eru í keppni C-liðanna. KA1 varð efst í fyrsta riðlinum með 10 stig, Valur1 og Breiðablik1 jöfn í næsta riðli með 10 stig og Breiðablik2 vann þriðja riðilinn með 9 stig.

Dúndrandi diskó í Glerárskóla

 

Stelpurnar sem taka þátt í Goðamótinu fjölmenntu í íþróttahús Glerárskóla í kvöld og skemmtu sér konunglega. Þar sáu nemendur 10. bekkjar skólans um diskótek við góðar undirtektir, nokkrir fótboltastrákar litu líka þar við, líklega þeir sömu og skemmtu sér á sama stað þegar þeir kepptu á Goðamóti um daginn en þá stóðu krakkarnir í Glerárskóla einnig fyrir diskóteki.

Það var ekki langt að fara fyrir stelpurnar í aðkomuliðunum, þær gista í Glerárskóla og íþróttahúsið er sambyggt, sem og sundlaugin en þangað hafa margar þeirra farið í gærkvöldi eða í dag.

Fleiri myndir úr leikjum dagsins eru komnir inn í albúmið, sem og nokkrar sem teknar voru í Glerárskólanum í kvöld. 

Keppni hefst aftur klukkan 9.30 í fyrramálið og mótinu lýkur laust eftir klukkan 14.00. Þá fer fram verðlaunaafhending og síðan Goða-grillveisla við Hamar.

Þróttarar fagna með stæl

Allt er í fullum gangi í Boganum, mörkunum rignir, stelpurnar fagna og syngja reyndar baráttusöngva hvernig sem fer. Á myndinni fagna stelpurnar í Þrótti einu marka dagsins.

Stemmningin var góð á meðan leik Manchester United og Liverpool mættust í beinni útsendingu í Hamri. Sumir brosa breitt eftir þá viðureign, aðrir ekki, eins og gengur. En allir brostu eftir ferð í Brynju en þar fengu allir leikmenn og fararstjórar ís eins og venja er á Goðamóti; hinn eina, sanna Brynjuís sem Akureyri er svo fræg fyrir.

Fullt af myndum er nú komið inn í albúmið hér hægra megin á síðunni, bæði frá því í gær og úr leikjum dagsins.

Allir saddir og glaðir

Allir keppendur fengu dýrindis samloku og drykk í hádeginu í Hamri. Allir voru því sælir og glaðir, keppni er í fullum gangi en þeir sem eru svo heppnir að spila ekki akkúrat frá um það kl. 12.45 til 14.30 eru flestir saman komnir í grennd við risaskjáinn okkar í Hamri og eru að horfa á leik Manchester United og Liverpool í ensku úrvalsdeildinni!

5. flokkur kvenna 2009 - Úrslit og staða í mótslok

Hér er lokaniðurstaða úr Goðamóti 5. flokks kvenna árið 2009.

Skrár tengdar þessari bloggfærslu:

• Úrslit leikja
• Staða í riðlum

Hvítt og fallegt

 

Töluvert snjóaði hér á Akureyri í nótt en veðrið er gott; bjart og fagurt í bænum (eins og alltaf!) og stelpurnar eru byrjaðir að kyrja sigursöngva. Og nú verður flautað til fyrstu leikja dagsins eftir fáeinar mínútur.

Á efri myndinni sést yfir pallinn sunnan við Hamar, félagsheimili okkar Þórsara, og á hinni er stúkan glæsilega sem verið er að byggja hér á svæðinu.

Tæknin var aðeins að stríða okkur í gærkvöldi og allar myndir dagsins komust því ekki inn í möppuna en sjást þær fljótlega.

Gaaaaaaaman á Goðamóti!

Þessar glaðlegu HK-stelpur hituðu upp með því að fara í myndastyttuleik í ganginum á milli Hamars, félagsheimilis Þórs, og Bogans þar sem leikirnir fara fram.

Þær eru ekki þær einu sem hafa skemmt sér vel það sem af er degi því stemmningin er góð á mótsstað, mikið skorað og mikið fagnað og mikið brosað - auðvitað er svekkjandi að tapa en þótt það gerist eru flestir fljótir að taka gleði sína á ný. Það er best því þá er hægt að byrja að hlakka til næsta leiks strax.

Úrslit og staða í riðlum (Uppfært kl.10:20)

Hér koma úrslit í leikjum og staða í riðlum á Goðamóti 5. flokks kvenna. Smellið á pdf skjölin hér að neðan til að opna þau.

Hátíðin að hefjast

Goðamót helgarinnar hófst fyrir tveimur mínútum. Hér í Boganum verða um 330 stelpur í 5. flokki á fullri ferð þangað til upp úr hádeginu á sunnudaginn og fjörið eflaust mikið, ef mið má taka af fyrri mótum.

Frásagnir af mótinu og myndir koma jafnt og þétt hér inn á síðuna til þess að foreldrar, aðrir ættingjar og aðdáendur stelpnanna geti fylgst með.

Það eru C-liðin sem byrja í dag. Núna kl. 17.00 var flautað til þessara leikja: 

Þróttur 2 - Valur 2

HK - Skallagrímur

KA 2 - Breiðablik 1

Þróttur 1 - Valur 1

Listi yfir alla leiki á mótinu er vinstra megin á heimasíðunni undir fyrirsögninni Síður, og þar verður hægt að sjá öll úrslit.

Fullt af myndum

Goðamót helgarinnar heppnaðist geysilega vel. Þetta var fjölmennasta mótið frá upphafi en allt gekk eins og vel smurð vél. Mótinu lauk með flottri verðlaunaafhendingu og svo hinni rómuðu Goðagrillveislu, þar sem allir fengu pylsu og gos í blíðunni fyrir utan Hamar.

Fullt af ljósmyndum frá mótinu eru komnar inn í myndaalbúmið hægra megin á síðunni, bæði úr leikjunum og af liðunum sem fengu verðlaun.

Þess má geta til gamans að á mótinu voru skoruð alls um 900 mörk.

Takk fyrir frábært mót, strákar! Marga ykkar sjáum við örugglega aftur næsta vetur.

Myndin að ofan er úr viðureign Fjarðabyggðar og Fjölnis. Ein margra í albúminu.

Næsta Goðamót, það þriðja og næst síðasta í ár, hefst eftir tæpar tvær vikur þegar 5. flokkur kvenna mætir til leiks.

Við í mótsstjórninni erum þegar farin að hlakka til og stelpurnar örugglega líka.

Búum þá undir 11 manna boltann

 

- Ég hef verið með þessa stráka í þrjú ár og þegar svo er getur maður lagt upp með ákveðna hluti og byggt smám saman ofan á þann grunn sem lagður er í fyrstunni, sagði Júlíus Júlíusson þjálfari 5. flokks Breiðabliks í samtali við tíðindamann Goðamótssíðunnar.

Alls æfa 115 strákar með 5. flokki Breiðabliks og 94 þeirra komu norður.

- Mér finnst Goðamótið alveg frábært. Ég hef komið hingað norður reglulega síðustu ár og verð hér aftur eftir tvær vikur með 40 stelpur í 5. flokki, sagði Júlíus en hann þjálfar 4. og 5. flokk karla hjá Breiðabliki sem og 5. flokk kvenna, alls 260 krakka! Hann hefur fengist við þjálfun síðustu 22 árin.

- Við notum ákveðið leikkerfi og getum þannig búið strákana á markvissan hátt undir 11 manna boltann, sagði þjálfarinn.

Óhætt er að segja að Breiðabliksstrákarnir hafi náð góðum árangri undir stjórn Júlíusar, 5. flokkur varð Íslandsmeistari í innanhússknattspyrnu (futsal) á dögunum þriðja árið í röð, flokkurinn sigraði nú á Goðamótinu þriðja árið í röð og hann hefur fagnað sigri á N1 móti KA síðustu þrjú ár!

Strákarnir hugðust tollera Júlíus þjálfara eftir að gullið var í höfn hjá A-liðinu en þjálfarinn reyndist sannspár þegar hann sagði að þeir myndu ekki geta það. Þeir báru hann þess í stað nokkra metra. Myndin var tekin við það tækifæri.

Þrennir bræður, einir tvíburar

 

Á þessari mynd eru sex af Blikunum sigursælu; þrennir bræður, þar af einir tvíburar. Þetta eru, frá vinstri Ásgeir Ingi og Vignir Daði Valtýssynir, þá koma tvíburarnir Þórður og Zakarías Friðrikssynir og loks Elías Björgvin og Kristófer Dagur Sigurðssynir. Svo skemmtilega vill til að Ásgeir Ingi og Vignir Daði eru frændur Elíasar Björgvins og Kristófers Dags.

Blikar unnu - einstakur árangur

 

Breiðablik sigraði í keppni A-liða á Goðamótinu. Blikastrákarnir unnu Þrótt örugglega í úrslitaleiknum í dag, komust í 4:0 og úrslitin urðu 4:1. Á myndinni eru gullstrákar Breiðabliks ásamt þjálfaranum sínum, Júlíus Júlíussyni, lengst til hægri, og Hans Sævarssyni, aðstoðarþjálfara, sem er annar frá vinstri. Fleiri myndir koma inn á vefinn í kvöld, bæði úr fjölda leikja og af öllum liðunum sem fengu verðlaun.

Þórsarar urðu í 3. sæti A-liðakeppninnar, unnu KA 2:0 í leik um sæti.

Breiðablik sigraði einnig í keppni B-liðanna - enda léku tvö lið félagsins til úrslita!  Árangur Blikanna á mótinu var einstakur; þeir urðu sem sagt í 1. sæti A-liða, 1. og 2. sæti B-liða, 1. og 2. sæti C-liða, 1. og 3. sæti D-liða og 1. og 2. sæti E-liða.

Breiðablik fékk að þessu sinni Goðamótsbikarinn, sem mótsstjórn veitir einu liði árlega, fyrir góða umgengni í skólanum, góða framkomu í hvívetna og að þessu sinni líka fyrir þennan frábæra árangur.

Innilega til hamingju Blikar, og til hamingju allir hinir líka fyrir góða frammistöðu og góð hegðun alla helgina. Þetta var frábært mót.

Fimm mörk að meðaltali í leik

Til þessa hafa verið gerð 833 mörk á Goðamótinu, sem eru að meðaltali um 5 mörk í hverjum leik. Það er álíka mikið og á 5. flokksmótunum síðustu ár.

Nokkrir leikir eru eftir, en þeir verða alls 168.

Eftir smá stund, kl. 13.20, hefst úrslitaleikur B-liðanna, þar sem Breiðablik 2 mætir Breiðabliki 1 og á sama tíma hefst viðureign Leiknis og Þróttar um 3. sæti. Síðustu leikir A-liða byrja á sama tíma; KS og BÍ mætast í leik um 11. sæti, og Völsungur leikur við Leikni um 9. sæti.

Síðustu leikir mótsins byrja svo kl. 14.00 og þar eru það A-lið sem keppa á öllum völlum; Þróttur og Breiðablik spila um 1. sæti, KA og Þór um 3. sæti, Fylkir og Grótta um 5. sæti og loks eigast við Fjarðarbyggð og Fjölnir um 7. sæti.

MYNDIN VAR TEKIN EFTIR ÚRSLITALEIK BREIÐABLIKSLIÐANNA TVEGGJA Í C-LIÐAKEPPNINNI, STOLTIR FORELDRAR OG FORRÁÐAMENN RIFU AUÐVITAÐ UPP MYNDAVÉLARNAR OG GERÐU AUGNABLIKIÐ ÓDAUÐLEGT.

C-liðakeppnin búin

Breiðablik 1 sigraði Breiðablik 2 í úrslitaleik C-liðanna, 3:0. Þróttarar urðu í þriðja sæti, unnu Fylki, einnig 3:0, í leik um það sæti.

Úrslitaleikur C-liða að hefjast

Flautað verður úrslitaleiks C-liðanna núna kl. 12, þar sem tvö Blikalið mætast - Breiðablik 1 og Breiðablik 2. Á sama tíma byrjar leikur Fylkis og Þróttar um þriðja sæti C-liðakeppninnar.