Myndir frá tveimur fyrstu dögunum

Um 260 ljósmyndir fá fyrstu tveimur dögum Goðamótsins eru komnar inn í myndamöppurnar hægra megin á síðunni og í dag bætast fleiri við - m.a. úr öllum úrslitaleikjunum og svo af öllum liðunum sem fá verðlaun.

Myndin er úr leik C-liða Hauka úr Hafnarfirði og Hattar frá Egilsstöðum í gær.

Síðasti keppnisdagur að hefjast

Keppni hefst núna klukkan 20 mínútur yfir níu á síðasta degi Goðamótsins. Leikir um þriðja sæti og þar með silfurverðlaun hefjast klukkan 10.40, B-úrslit sem svo eru kölluð - þar sem eigast við liðin sem ekki komust áfram úr riðlunum - byrja kl. 12.00. Úrslitaleikirnir byrja svo allir kl. 12.40.

Þessi lið mætast í úrslitaleikjunum:

A-lið HK - Breiðablik

B-lið Þór - Breiðablik

D-lið Breiðablik - Fjölnir

Nú eru um það bil að hefjast síðustu leikir í undanúrslitum C-liðanna og fljótlega kemur í ljós hvaða lið bítast þar um gullið í hádeginu.

Brynjuísinn bregst ekki

Öllum leikmönnum, þjálfurum og fararstjórum er boðið upp á hinn landsfræga Brynjuís um helgina eins og tíðkast hefur hjá mótsstjórninni frá því Goðamótin voru sett á laggirnar. Og hann bregst ekki frekar en fyrri daginn: þessar Magnastelpur frá Grenivík ljómuðu þegar þær komu út úr ís-rútunni við Hamar í dag, eftir ferð í Brynju.

Lovísa á afmæli í dag

Einn leikmanna B-liðs Gróttu frá Seltjarnarnesi, Lovísa Birta Sveinsdóttir, á 14 ára afmæli í dag. Við óskum henni innilega til hamingju með daginn. Lovísa og vinkonur hennar í Gróttuliðinu eiga von á gómsætri skúffuköku í Glerárskólanum eftir kvöldvökuna sem er nýlokið í Boganum; gömul vinkona fjölskyldunnar af Seltjarnarnesi tók sig til í dag og skellti í eina köku sem Atli þjálfari, bróðir Lovísu, færir stelpunum!

Þór og Breiðablik í úrslitaleik B-liða

Þór og Breiðablik eigast við á morgun í úrslitaleik B-liðakeppninnar. Þórsarar unnu Fjölni 2:1 áðan og Blikarnir lögðu Skallagrím 3:0.

Breiðablik og HK leika til úrslita

Það verða Kópavogsliðin Breiðablik og HK sem mætast í úrslitaleik A-liðakeppninnar á Goðamótinu. Breiðablik sigraði gestgjafana í Þór á hlutkesti eftir framlengingu og HK vann Völsung örugglega, 3:0.

Fyrrnefndi leikurinn var æsispennandi. Blikarnir voru 2:0 yfir í hálfleik en Þórsarar jöfnuðu. Ekki var skorað í framlengingu þó að bæði lið væru nálægt því og því varð að grípa til þess að varpa hlutkesti. Spennan var mikil en Blikastúlkurnar fögnuðu.

Breiðablik og Fjölnir efst hjá B-liðum

Fjölnir vann A-riðli B-liðakeppnninar með stig en þar varð Skallagrímur í öðru sæti með 7 og KA og HK jöfn í þriðja sæti með 5 stig. Breiðablik hafði sigur í B-riðli með 12 stig - vann alla fjóra leikina - en Þórsarar urðu í öðru sæti með 9 stig og Grótta í þriðja sæti með 6.

Næstu leikir hjá B-liðunum hefjast núna kl. 18.00 þegar krossspil á milli riðla hefst. Leikirnir eru: Fjölnir - Þór, Skallagrímur - Breiðablik, KA - Magni og HK - Grótta.

Myndin er úr leik Breiðabliks og Tindatóls í B-liðakeppninni.

 

Undanúrslit B-liða

Fjölnir - Þór 1-2

Skallagrímur - Breiðablik 0-3

 

leikir um 3 sætið

KA - Magni 2-3

HK - Grótta 1-2

Þór og HK unnu A-liða riðlanna

Þór sigraði í A-riðli A-liðakeppninnar, vann alla fjóra leikina og fékk því 12 stig. Völsungur varð í öðru sæti og Haukar í þriðja sæti. HK vann B-riðilinn með 10 stig og Breiðablik varð í öðru sæti með einu stigi minna. Í Kópavogsslagnum, síðasta leik riðilsins, sigraði HK 3:1.

Krossspil á milli riðla er hafið. Þessir leikir standa yfir: Þór - Breiðablik, Völsungur - HK, Haukar - KA og Þróttur - KS/Leiftur.

Myndin er tekin eftir sigur HK á Breiðabliki.

Undanúrslit A-liða

Þór - Breiðablik 2 -2 Blikar unnu á hlutkesti

HK - Völsungur 3-0

 

Leikir um 3 sætið

Haukar - KA 2-1

Þróttur - KS/Leiftur 0-3

 

Staða í riðlum og nýjustu úrslit (kl.17:00)

Nú er komin lokaniðurstaða í riðlum og krosspil D-liða er ný hafið.

Krosspil D-liða

Breiðablik - Fjarðarbyggð 3-3 Blikar unnu á hlutkesti

Fjölnir - HK 2-0

Völsungur - Samherji 4-1

Skallagrímur - Tindastóll 0-2

 

Skrár tengdar þessari bloggfærslu:

• Lokastaða í riðlum
• Nýjustu úrslit

Fjörleg byrjun

Margir skemmtilegir leikir eru að baki eftir fyrsta keppnisdaginn. Úrslitin er öll að finna hér á heimasíðunni og fjöldi ljósmynda kemur í myndasafnið í kvöld og þeim fjölgar svo á morgun og á sunnudaginn. Þessi mynd er úr leik B-liða gestgjafanna í Þór og Gróttu frá Seltjarnarnesi.

38 lið með um helgina

Um það bil 340 stelpur taka þátt í Goðamóti 4. flokks sem hófst í dag í Boganum og lýkur á sunnudaginn. Liðin eru 38 frá 16 félögum en voru 24 í fyrra þegar fyrst var haldið sérstakt mót fyrir 4. flokk. 

Goðamótin byrjuðu þegar Boginn var opnaður 2003, það ár voru mótin tvo, árið eftir voru mótin þrjú og árið 2008 voru í fyrsta skipti haldin fjögur Goðamót.

Mótið um helgina er það 22. í röðinni og í vor þegar mót 6. flokks verður að baki verða Goðamótin orðin 25 á átta árum.

Fyrstu leikjum lokið........

A	Haukar	Þór	0	-	3
A	Þróttur	Fjölnir	2	-	1
A	Fjarðabyggð	Breiðablik	0	-	3
A	KA	HK	0	-	3

B	Skallagrímur	KA	1	-	0
B	HK	Fjölnir	2	-	2
B	Grótta	Þór	1	-	4
B	Magni	Tindastóll	2	-	1

C	Þór 1	Breiðablik	0	-	3
C	Fjölnir	Grótta	1	-	0
C	Þór 2	Þróttur	3	-	3
C	KA	Haukar	2	-	1
D	Skallagrímur	Breiðablik	2	-	5
D	Fjölnir	Völsungur	3	-	0
D	Fjarðabyggð	Samherjar	3	-	0
D	Tindastóll	HK	0	-	1

A	Þór	Völsungur	4	-	1
A	Haukar	Þróttur	1	-	0
A	Breiðablik	KS/Leiftur	4	-	3
A	Fjarðabyggð	KA	0	-	2
B	KA	KS/Leiftur	3	-	1
B	Skallagrímur	HK	2	-	0
B	Þór	Breiðablik	0	-	3
B	Grótta	Magni	2	-	0

C	Breiðablik	Völsungur	2	-	1
C	Þór 1	Fjölnir	3	-	0
C	Þróttur	Höttur	1	-	2
C	Þór 2	KA	2	-	4

Goðamót Þórs 4. flokkur kvenna 2010 - Leikjaplan og riðlar - Breyting!

Völsungur bættist við í D liðum og Þór verður með tvö C lið, leikir byrja 9:20 á laugardegi og sunnudegi.

Allir leiktímar í C liðum hafa breyst.

 

Skrár tengdar þessari bloggfærslu:

• Leikjaplan 4. flokkur kvenna
• Riðlar 4. flokkur kvenna
• Dagskrá 4. flokkur kvenna

Goðamót Þórs er líka á Facebook

Goðamótið á Facebook

Dalvíkingar tefla fram tvennum tvíburum

Tvennir tvíburar voru á ferðinni í Boganum í morgun, allir með liði Dalvíkur. Þeir eru, frá vinstri, Nökkvi, Heiðar, Hilmar og Þorri. Myndin var tekin strax eftir að Heiðar og Hilmar Gunnarssynir fögnuðu sigri með D-liðinu gegn Gróttu og þá voru Nökkvi og Þorri Þórissynir einmitt að ganga til leiks gegn A-liði Gróttu, þar sem Seltirningar höfðu betur.

Allt á fullu

Byrjað var að spila strax klukkan átta í morgun. Myndin er úr leik Leiknis úr Reykjavík og Breiðabliks 2 í D-liðakeppninni. Og hér að neðan er mynd úr leik B-liða Hugins frá Seyðisfirði og heimamanna í Þór.

Það kvað vera fallegt í Kína...

Og nú er líka fallegt á Akureyri. Nokkurra stiga frost í morgun, sól, stilla - sem sagt, eins og það best getur orðið.

Þarna sér yfir Glerárskóla í morgun, smá frostþoka yfir sjónum í fjarska. Bara fallegt.

Allt gengur eins og í sögu

Fyrsta keppnisdeginum er lokið en hafist verður handa - og fóta - á ný strax klukkan 8 í fyrramálið. Alls eru 76 leikir á dagskrá á morgun og hefjast þeir síðustu klukkan 20.

Ekki er vitað annað en öllum líði vel, strákarnir fengu að borða í kvöld í Glerárskólanum og fararstjórar sitja nú á fundi með mótsstjórn eins og venjan er.

Nokkrir stelpur eru reyndar með á mótinu og hafa að sjálfsögðu ekki gefið strákunum neitt eftir. Á myndinni er einmitt ein Siglufjarðarstelpan í baráttu við strák úr Gróttu.

Fjölmennt og góðmennt

Keppni hefur gengið vel það sem af er degi. Gengi liðanna er misjafnt eins og búast mátti við, sumir eru súrir í smá stund eftir tap en það gleymist sem betur fer fljótt og menn mæta tvífeldir til næsta leiks.

Á mótinu nú keppa 54 lið - A, B, C, D og E - frá 17 félögum. Flest nöfnin gamalkunnug en eitt félag sendir þó lið núna í fyrsta skipti á Goðamót það er Þróttur úr Vogum. Við Þórsarar bjóðum Þróttara sérstaklega velkomna.

Á myndinni má sjá nokkra galvaska leikmenn nálgast Bogann í dag áður en keppni hófst. Fleiri myndir eru komnar inn í albúmið hægra megin á síðunni og þeim fjölgar jafnt og þátt alla helgina.

Allt komið á fulla ferð

Keppni er hafin á fjórða og síðasta Goðamóti ársins. Flautað var til leiks klukkan fjögur og þá hófust fjórir leikir í A-liðakeppninni; Þór - Tindastóll, Breiðablik - Fylkir, KA - Dalvík og Völsungur - Grótta.

Keppni lýkur laust fyrir klukkan tíu í kvöld.