Nýjustu úrslit

Nú er mjög svo skemmtilegum laugardegi á Goðamóti 5.flokks karla lokið og hefur mótið gengið mjög vel og okkur í mótsstjórninni hefur heyrst á krökkunum að það sé "mega gaman" eins og einn orðaði það. 

 Á morgun bíða okkar svo margir spennandi úrslitaleikir. Í A-liðum mætast Breiðablik og Þór í leik um fyrsta sætið og í F-liðum eru það Breiðablik og Fylkir sem kljást um gullið. Í öðrum riðlum eru eftir tveir leikir.  

 

Uppfært 21:10

Skrár tengdar þessari bloggfærslu:

• Leikjaplan
• Riðlar

Laugardagurinn

Úrslitin halda áfram að hrúgast inn og mótið gengur vel í blíðunni hérna fyrir norðan. Nú eru úrslit í E-riðlum orðin klár og því hægt að sjá hvaða lið mætast í þar í nýjum riðlum. Fyrstu 2 sætin í A og B riðli sameinast í nýjan 4 liða riðil og sæti 3-4 í A og B spila saman í nýjum riðli einnig.

 Liðin eru búin að berjast vel og drengilega inn á vellinum og strákarnir hvíla lúin bein og gæða sér á samlokum hérna hjá okkur í Hamri í hádeginu. Bráðlega fara svo fyrstu lið að fara í Brynju ís ferðina góðu

Að venju verða úrslit uppfærð mjög reglulega hérna á síðunni okkar og hægt að fylgjast með í skjölunum sem fylgja þessari færslu.

 

Uppfært 12:15

Skrár tengdar þessari bloggfærslu:

• Leikjaplan
• Riðlar

Föstudagurinn hjá 5.flokk karla

Allir leikir föstudagsins búnir og þjálfara og fararstjórafundur sem hófst strax að leikjum loknum var að enda.  Þar voru allir nánast jafn kátir og glaðir og keppendurnir sjálfir eftir góðan dag.

 Dagurinn hefur gengið eins og í sögu og hefur verið jöfn og spennandi keppni í flestum leikjum. Hægt er að skoða öll úrslit dagsins og stöðuna í riðlunum í pdf skránum  tengdri þessari færslu.

 Nú styttist svo í að það komi inn fullt af myndum frá deginum í dag. Hægt verður að skoða það bráðlega í albúmunum hérna á síðunni.

 

Kveðja
Mótsstjórn

Skrár tengdar þessari bloggfærslu:

• Leikjaplan
• Riðlar

Nýjustu úrslit

Þrátt fyrir snjókomu og slæmt skyggni tókst öllum liðunum að skila sér heilu og höldnu til okkar í Goðamótið. Mótið er nú komið á fullt skrið og flest lið eru búin að spila einn leik. Hægt er að nálgast úrslit og stöður í riðlum í skjölunum hérna að neðan.

 

Uppfært. 20:45

Skrár tengdar þessari bloggfærslu:

• Leikjaplan
• Riðlar

Viðtöl við leikmenn, þjálfara og mótsstjóra

Heimasíða Þórs skrapp á lokaæfingu hjá strákunum í 5. flokki í gær. Heyrum hvernig mótið leggst í þjálfarann, mótsstjórann og strákana sjálfa.

 

 

 

Goðamót í 5.flokki á morgun.

Búið er að klára uppsetningu handbókarinnar og þar eru allar helstu upplýsingar tengdar mótinu um helgina. Hægt er að nálgast þetta í pdf skjölum sem fylgja þessari frétt. Fyrstu leikir hefjast kl.15:30 á föstudag og mótinu ætti að vera lokið um kl.15:00 á sunnudag.

Eins og venjulega verður gist í Glerárskóla og vill mótsstjórn leggja áherslu á að móttaka liða hefst kl. 15.00 á föstudag í skólanum. Við biðjum liðin um að virða þá tímasetningu þannig að starfsfólk skólans fái tóm til að ganga frá að lokinni vinnuviku þar. Ef lið eru komin fyrr til Akureyrar eru þau velkomin í Hamar, félagsheimili Þórs, þar sem hægt er að setjast niður og slaka á þar til hleypt verður inn í skólann.

Goðamótið býður upp á ýmsa afslætti fyrir keppendur í allskonar afþreyingu á milli leikja eða á kvöldin.

• Í Sambíóunum geta keppendur fengið bíómiða, popp og gos á 1.100kr.
• Skautahöllin býður mótsgestum á skauta með skautaleigu á 500kr
• Í Paradísarlandi á Glerártorgi er leiktækjasalur fyrir yngri kynslóðina 500kr.
• Kaffi Jónsson býður keppendum að taka leik í keilu á 720kr.
• Lasertag Akureyri býður gestum mótsins leikinn á 750kr.

kveðja, mótsstjórn

Skrár tengdar þessari bloggfærslu:

• Handbók 5fl. kk
• Leikjaplan
• Riðlar

Breytt leikjaplan fyrir helgina

Hérna kemur uppfært leikjaplan fyrir helgina. Vinsamlegast takið gamla planið úr umferð. Öll lið fá svo útprentaða handbók hjá mótsstjórn þegar þau koma og er leikjaplanið þar líka.

Kveðja
Mótsstjórn

Skrár tengdar þessari bloggfærslu:

• Leikjaplan

Leikjaniðurröðun fyrir 5.flokk karla

Nú eru loksins allar skráningar komnar á hreint og birtum við því leikjaplan helgarinnar hérna í skjali tengdri þessari færslu. Að þessu sinni eru 52lið skráð í mótið frá 17 klúbbum.

Handbók mótsins sem inniheldur ýmsar mikilvægar upplýsingar ásamt riðlum og leikjaplani kemur svo inn á síðuna á morgun.

Skrár tengdar þessari bloggfærslu:

• Leikjaplan

Laust pláss í 6.flokk karla. 23-25mars

Eitt lið hefur dregið sig úr keppni hjá 6.flokki karla helgina 23. - 25. mars nk. Það er því eins og staðan er núna laust á mótið, 54 lið eru skráð til leiks en við getum tekið á móti í allra mesta lagi 60 liðum. Hafið því hraðar hendur 6.flokks þjálfarar ef þið hafið áhuga á að vera með í mótinu, nú eða bæta við liðum hjá þeim sem þegar hafa skráð sig.

kv. mótsstjóri

Fyrsta Goðamóti ársins lokið

Öll úrslit eru komin í skjölin hérna fyrir neðan. Mikil spenna og mikið fjör var í flestum úrslitaleikjunum og úrslitin réðust oft ekki fyrr en á síðustu andartökunum. Hægt er að sjá fullt af myndum frá mótinu hérna í myndaalbúmum hérna á síðunni svo síðar í dag koma liðsmyndir af hverju liði fyrir sig inn á síðuna.

 

ÚRSLIT í 4. flokk kvenna

A-lið

1. KA

2. Þór

3. Fjarðarbyggð 

 

B-lið

1. Höttur

2. KA 1

3. KA 2

 C-lið

1. KA 2

2. Tindastóll

3. Fjarðarbyggð

 

ÚRSLIT í 3. flokk kvenna

A-lið

1. Þór 2

2. Völsungur

3. Höttur

 

B-lið

1. Þór 1

2. Einherji

3. Þór 2

 

 Hvöt hlaut Goðaskjöldinn að þessu sinni en hann er veittur fyrir fyrirmyndar framkomu innan vallar sem utan. Hérna er mynd af stelpunum með skjöldinn.

Skrár tengdar þessari bloggfærslu:

• Leikjaplan
• Riðlar