Ísrúturnar ræstar eftir smá stund

Einn af föstu punktunum á hverju Goðamóti er rútuferð í verslunina Brynju, þar sem allir keppendur, þjálfarar og fararstjórar fá eitt stykki Brynjuís í brauði að gjöf frá Goðamótinu og Brynju - hvítan, bleikan eða brúnan. Brynjuísinn er sá besti í heimi að margra mati eins og alkunna er.

Fyrsta ísrútan fer af stað frá Hamri, félagsheimili Þórs við Bogann, núna klukkan eitt.

107 myndir frá því í gær

Nú eru komnar 107 myndir inn í myndamöppu föstudagsins. Sjá hér hægra megin. Bráðum verða settar inn myndir úr leikjunum í dag.

Fleiri myndir

Fjölmiðlunardeild Goðamótsins var snemma á fótum í morgun. Búið er að mynda töluvert af leikjum og þær myndir koma inn á síðuna seinna í dag. Enn er verið að bæta við myndum frá því í gær, en tæknin er eitthvað pínulítið að stríða ritstjóranum. Myndunum fjölgar þó vonandi mjög fljótlega í föstudagsmöppunni og laugardagsmappan birtist á eftir.

Á myndinni skorar Hulda Tryggvadóttir fyrir A-lið 5. flokks Þórs gegn Þrótti í gærkvöldi.

Höttur rokkar!

Nokkrar stelpur í Hetti frá Egilsstöðum voru eldhressar þegar blaðamaður heimasíðunnar hitti þær í Boganum í kvöld.  "Við erum búnar að vinna einn leik og tapa einum," sögðu þær nánast í kór. Þetta er þriðja eða fjórða árið í röð sem þær koma á mótið - þær mundu það ekki alveg - og segjast alltaf skemmta sér rosalega vel.

Stuðningsmenn Hattar voru í banastuði í dag, mættu með áletraðan borða og sungu hástöfum. Og svo tóku stelpurnar sig til og skrifuðu Höttur rokkar! úr gúmmíkúlunum í gervigrasinu, utan við hliðarlínuna. En ætluðu auðvitað að setja gúmmíið á sinn stað mjög fljótlega...

Stelpurnar á myndinni heita, talið frá vinstri, Alexandra, Heiðdís og og Snjólaug og leika allar með liði 5. flokks.

Handleggsbrotnaði en fékk að koma með

Stelpurnar í Sindra á Hornafirði eru nú með á Goðamótinu í fyrsta skipti. Blaðamaður heimasíðunnar hitti nokkrar þeirra að máli í dag, rétt fyrir mikilvægan leik. Ein skartaði forláta gifsi á vinstri handlegg og það kom auðvitað ekki til af góðu. "Það var hálka úti og vindur og ég bara datt. Vinkona mín datt líka og lenti ofan á mér," sagði Kolbrún Ólafsdóttir. Óhappið varð fyrir tveimur vikum, löngu eftir að hún byrjaði að hlakka til að koma á Goðamótið. "Það var sem betur fer búið að gefa mér kæruleysissprautu þegar ég fattaði að ég myndi missa af mótinu," sagði Kolbrún í dag. En svo fékk hún auðvitað að koma með til Akureyrar og hvatti vinkonur sínar áfram. Þess má geta að Kolbrún er dóttir þjálfara Sindra, Ólafs Jónssonar. Sindrastelpurnar á myndinni eru, frá vinstri: Lúcía, María, María Hjördís, Dóra, Guðlaug og Kolbrún.

Fyrsti keppnisdagur að baki

 

Þá er fyrsta degi þessa fyrsta Goðamóts ársins lokið. Stelpurnar í 4. og 5. flokki voru að frá klukkan tvö í dag til klukkan tíu í kvöld  í Boganum - ekki þó þær sömu allan tímann! Alls eru um 450 keppendur á mótinu að þessu sinni og er þetta því stærsta Goðamót stelpna til þessa.

Félögin sem eiga lið á mótinu eru Fjarðarbyggð, Þróttur úr Reykjavík, Stjarnan, KA, Valur, Tindastóll, Magni, Leiftur, HK, Leiknir Reykjavík, Völsungur, KS, Höttur, Sindri frá Hornafirði sem nú er með í fyrsta skipti, og ekki má gleyma stelpunum okkar úr Þór.

Myndin er úr leik HK og KA í dag í 5. flokki A. Umsjónarmaður heimasíðunnar var á ferð í Boganum í dag, tók myndir og spjallaði við keppendur, þjálfara og fararstjóra og mikið efni frá mótinu verður sett inn á síðuna á morgun.

Fylgist vel með gangi mála og bendið sem flestum á síðuna. Hér er gott að fylgjast með sínu liði, og öllum hinum auðvitað líka. 

Úrslit leikja og staða í riðlum!

Úrslit leikja og staða í riðlum

Fyrsta Goðamótið 2008 er byrjað!

Rúmlega 500 stelpur eru mættar til leiks á fyrsta Goðamóti ársins, spilaðir verða 160 leikir og von er á fullt af mörkum og frábæru veðri!

Leikjaplan 4. og 5. flokkur kvenna 2008

Vegna veikinda sem herja á KR-ingar ekki koma þær ekki á mótið, í staðinn kemur inn lið KA 2 í A-liðum og Þór 2 í B-liðum

Skrár tengdar þessari bloggfærslu:

• Leikjaplan 4. og 5. flokkur kvenna 2008

Goðamótin 2008

Goðamót Þórs verða  að sjálfsgögðu haldin 2008!

22.-24. febrúar            4. og 5. flokkur kvenna

29. febrúar - 2. mars   5. flokkur karla

14.-16. mars                6. flokkur karla

Skrár tengdar þessari bloggfærslu:

• Goðamót 2008

5. flokkur karla úrslit 2008

Öllum leikjum er lokið, upplýsingar um úrslit, stöðu í riðlum og markaskorara eru komnar inn!

Skrár tengdar þessari bloggfærslu:

• Goðamót 5. flokkur 2008 mörk
• Goðamót 5. flokkur 2008 riðlar
• Goðamót 5. flokkur 2008 úrslit

Úrslit 4. og 5. flokkur kvenna 2008

Hér koma allar upplýsingar um leiki, úrslit og mörk.

Skrár tengdar þessari bloggfærslu:

• Goðamót 4. & 5. flokkur kvenna 2008 - Mörk.
• Goðamót 4. & 5. flokkur kvenna 2008 - Riðlar.
• Goðamót 4. & 5. flokkur kvenna 2008 - Úrslit.

Markaskorun

Markaskorarar................