Dómarar með reynslu

Það eru ekki neinir aukvissar sem dæma á lokasprettinum á Goðamóti helgarinnar. Meðal dómara er milliríkjadóamarinn Þóroddur Hjaltalín Jr. sem er komin í fremstu röð íslenskra knattspyrnudómara.  Auk Þóroddar eru þetta þeir Eðvarð Eðvarðsson, Valdimar Pálsson og Þorsteinn Árnason.

Eðvarð Eðvarðsson, Þóroddur Hjaltalín jr. milliríkjadómari, Valdimar Pálsson og Þorsteinn Árnason 

Reyni Eiríkssyni veitt gullmerki Þórs

Í lok hvers dags á Goðamótum er haldinn farastjórafundur þar sem Goðamótsnefnd og forráðamenn liðanna setjast niður og fara yfir viðburði liðins dags og farið er yfir fyrirkomulag næsta dags. Þar er farið yfir hvernig til hefur tekist og mönnum gefin kostur á að koma á framfæri athugasemdum um hvað megi betur fara, þyki ástæða til. Þessir fundir leggja m.a. grunninn að því allt mótshaldið rúllar jafn smurt og raunin er á.

 

Farastjórafundinn sem haldin var í gærkvöld sat m.a. hluti aðalstjórnar Þórs og ekki að ástæðulausu. Í lok fundarins bað Sigfús Ólafur Helgason formaður Þórs um orðið. Tilefnið var að færa Goðamótsnefnd þakkir fyrir frábært starf í kringum goðamótin sem eru orðin stærsti einstaki íþróttaviðburðurinn sem haldinn er á Akureyri ár hvert. Þá tilkynnti Sigfús Ólafur að aðalstjórn Þórs hafi einróma samþykkt að veita Reyni Eiríkssyni gullmerki Þórs. Reynir er einn upphafsmanna Goðamótanna og er afar vel að þessari viðurkenningu komin.

Árni Óðinsson nælir gullmerki í barm Reynis Eiríkssonar

Reynir Eiríksson og Sigfús Ólafur Helgason formaður Þórs

Frá farastjórafundinu í gærkvöld

Úrslit leikja á sunnudag

Nú eru komin inn úrslit úr leikjum kl 12.40 og þar með eru fyrstu verðlaunahafar mótsins komnir á blað.

Úrslit á laugardegi.

Nú eru fyrstu leikir í krossspili búnir.

 Þór og Valur leika til úrslita í A liðum, Fylkir og Breiðablik leika um bronsið og Fjölnir og Leiknir leika til úrslita í B-úrslitum.

 Í B liðum leika Höttur og Þór til úrslita, Valur og Breiðablik um bronsið og KS/Leiftur við KA í B-úrslitum.

Skrár tengdar þessari bloggfærslu:

• 6. flokkur 2010 - Úrslit leikja
• 6. flokkur 2010 - Riðlar

Farinn að rata

Í dag var Kristján Davíðsson að taka þátt í sínu 20. Goðamóti sem bílstjóri við að ferja keppendur inn í Brynju og eru ferðirnar orðna 250. Af því tilefni færði Goðamótsnefndin Kristjáni matarkörfu (frá Goða að sjálfsögðu) að gjöf. Má því gera ráð fyrir því að Kristján sé farin að þekkja leiðina þokkalega.

Sigurjón Magnússon færir Kristjáni matarkörfu að gjöf frá Goðamótsnefndinni

Sigurjón Magnússon, Kristján Davíðsson og Reynir Eiríksson

Besti, lang besti... eigum við að ræða þetta eitthvað nánar?

Brynjuís er sá besti, langbesti, besti í heimi, eigum við að ræða þetta eitthvað nánar þetta voru algeng ummæli sem strákarnir létu falla um Brynjuísinn þegar þeir voru spurðir út í hvernig hann bragðaðist í ferð þar sem strákar úr Þór, KA,  Valur og KS/Leiftur voru saman í rútu.

Í Brynju

 

Hressir strákar úr KA. 

Fleiri myndir úr ferðinni er að sjá í myndaalbúmi 6.flokkur 2010 almennar.

Úrslit leikja á laugardag og undanúrslit.

Úrslit leikja á laugardag til kl. 20.00.

Allir leikir í krossspili komnir inn.

Skrár tengdar þessari bloggfærslu:

• 6. flokkur 2010 - Riðlar
• 6. flokkur 2010 - Úrslit leikja

Amma Goðamótanna

Guðrún Ingimarsdóttir ,,Amma Goðamótanna"

Það er að mörgu að hyggja og í mörg horn að líta þegar kemur að framkvæmd á stórum knattspyrnumótum eins og Goðamótin eru. Á þessu móti eru t.a.m. 524 þátttakendur auk farastjóra, þjálfara og fylgdarliðs þátttakendur svo að í mörg horn er að líta. Stór hópur mann hefur komið að mótunum alveg frá upphafi og ganga í sömu verkin aftur og aftur.. Það er lykillinn að því að framkvæmd mótanna ganga jafn vel og raunin er á. Þetta er fólkið á bak við tjöldin.

Guðrún Ingimarsdóttir er ein af fjölmörgum sem er í þessum hópi og er jafnan kölluð ,,Amma Goðamótanna”. Guðrún hefur undanfarin ár séð um að sjá starfsfólki mótanna sem skiptir tugum um bakkelsi allt frá kleinum upp í glæsilegustu tertur sem eru gjarnan bornar fram á farastjórafundum.

Til gamans tölulegar staðreyndir um stærð Goðamótanna til leiks á Goðamót ársins mættu 1750 keppendur og með þjálfurum og farastjórum eru fjöldinn 2050 manns, já Goðamótin eru engin smá smíði.

úrslit leikja föstudag

Öllúrslit komin inn.

Skrár tengdar þessari bloggfærslu:

• 6. flokkur 2010 - Úrslit leikja
• 6. flokkur 2010 - Riðlar

,,Ég er sko komin til að vinna frænda eins og í fyrra"

Strákarnir úr Magna voru að koma úr erfiðum en bráðskemmtilegum leik gegn Val þar sem sigurinn gat lent hvoru megin sem var. Þeir voru búnir að spila tvo leiki og það sem af er væri búið að vera rosalega gaman. ,,Við höfum oft komið á Goðamót og það er rosalega gaman, einn í hópnum sagði að hann hefði komið mjög oft og því hokin af reynslu.

 

Strákarnir úr Þrótti Vogum voru að hita upp þegar okkur bar að garði. Þeir voru að fara í sinn fyrsta leik á mótinu og voru að fara mæta Val og þeir voru alveg staðráðnir í að vinna Val. En ef þið vinnið ekki Val hvað þá ,, þá bara reynum við að hafa gaman af þessu” og einn úr hópnum sagði ,, ég er sko komin til að vinna frænda minn … eins og ég gerði í fyrra”. Flestir þeirra höfðu áður komið á Goðamót og það hafi verið rosalega gaman.  

Já það er greinilega gaman á Goðamóti

Úrslit leikja Föstudag

Úrslit leikja föstudag kl 19.00

Skrár tengdar þessari bloggfærslu:

• 6. flokkur 2010 - Úrslit leikja
• 6. flokkur 2010 - Riðlar

Líf og fjör á Goðamóti

Það er svo sannarlega líf og fjör á 25. Goðamóti Þórs jafn innanvallar sem utan. Sumir eru að koma í fyrsta sinn en aðrir hafa komið hér áður.

Það var létt yfir strákunum úr KS frá Siglufirði þegar við tókum þá tali. Strákarnir sögðu fyrst að þeir væru komnir hingað til þess að vinna og ekkert annað. ,,Við ætlum sko heim með gullið. En ef ekki þá ætlum við að hafa gaman af þessu.

 

Kjalnesingar voru gómaðir þegar þeir voru nýkomnir úr æsispennandi leik gegn Breiðabliki þegar við náðum tali af þeim. Hluti þeirra hafði komið áður á Goðamót aðrir voru hér í fyrsta sinn. Þeirra markmið var fyrst og síðast að vera með og hafa gaman af þessu. Einhverjir sögðust aldrei hafa komið til Akureyrar áður og fannst afar spennandi að vera komnir hingað.

 

Samherjar úr Eyjafjarðarsveit voru að fara spila við Mývetninga og mikil tilhlökkun í hópnum hjá þeim. Þeir sögðust allir þekkja vel til Goðamótanna þótt þeir hafi ekki allir keppt á mótinu. Jú við ætlum sko að skemmta okkur og hafa gaman. En vitið þið hvaðan Mývetningar eru ,,Já já auðvitað vitum við það þeir eru frá……………………………. Já einhvers staðar stutt frá”. Ætla allir að fara í ísferðina á morgun? Jáááááááá og þeir höfðu það alveg á hreinu hvað ísinn heitir ,,Brynjuísinn er sá besti í heimi…

 

Mývetningar voru að gera sig klára fyrir leikinn gegn Samherjum og þegar þeir voru spurðir hvort þeir vissu hvaðan Samherjar kæmu stóð ekki á svörum hjá þeim ,,Eyjafjarðarsveit”. Allir höfðu þeir komið áður á Goðamót og þeir sögðu að þeir ætluð sko að hafa gaman af þessu og að vinna væri ekki aðalatriðið, heldur að hafa gaman af þessu. Þegar þeir voru spurðir útí hvort þeir ætluðu að fara í ísferðina á morgun stóð ekki á svörum. Jájá auðvitað Brynjuísinn er æðislegur og við sleppum því sko ekki, sögðu þeir að lokum og héldu svo áfram að hita upp fyrir leikinn gegn Samherjum.  

Úrslit leikja á föstudegi.

Nú eru að koma inn úrslit úr  leikjum sem voru leiknir kl 20.20 á 25. Goðamóti Þórs.

Skrár tengdar þessari bloggfærslu:

• 6. flokkur 2010 - Úrslit leikja
• 6. flokkur 2010 - Riðlar

Heimsins besta kjötsúpa?

Matur hefur verið til sölu við vægu verði í Hamri meðan á Goðamótum vetrarins stendur og svo verður áfram um helgina, vegna góðra viðbragða fram að þessu.

Á föstudaginn hefja keppni strákar í 6. flokki og leika listir sínar í Boganum þar til á sunnudag. Þeir eru hvaðanæva af landinu sem fyrr.

Foreldrar og aðrir aðstandendur krakkanna hafa gripið tækifærið fegins hendi, að geta keypt sér að borða í Hamri en þar er boðið upp á hina rómuðu Þórskjötsúpu, sem upphaflega sló í gegn á Landsmóti Ungmennafélags Íslands síðastliðið sumar. Frjálsíþróttamenn fullyrtu þá sumir hverjir að það væri besta kjötsúpa í heimi! Auk þess er til sölu pasta og brauð. Þá er bakkelsi á boðstólum, t.d. vöfflur, kaffi og kakó bæði á laugardag og sunnudag.

Goðamót 6. flokks karla 2010

Riðlar, leikjaplan og dagskrá!

Skrár tengdar þessari bloggfærslu:

• 6. flokkur leikir
• 6. flokkur riðlar
• 6. flokkur dagskrá

Blikarnir unnu fern gullverðlaun

 

Leikjum er lokið og Breiðablik varð í fyrsta sæti á öllum vígstöðvum.  Úrslitaleikirnir fóru sem hér segir:

 

A	Breiðablik	Valur	3	-	0
B	Breiðablik	Fram	2	-	1
C	Tindastóll	Breiðablik	0	-	3
D	Breiðablik 1	Fjarðabyggð	2	-	0

 

Á myndinni eru Goðamótsmeistarar Breiðabliks í A-liðakeppninni.

Myndir úr úrslitaleikjunum og af öllum liðunum sem fengu viðurkenningu koma inn á síðuna seinna í dag. Fleiri myndir eru líka væntanlegur úr leikjum gærdagsins - úr leikjum allra liða.

Skrár tengdar þessari bloggfærslu:

• 5. flokkur 2010 - Riðlar
• 5. flokkur 2010 - Úrslit leikja
• 5. flokkur 2010 - Mörk

Myndunum fjölgar

Fleiri myndir frá því í gær eru komnar inn í albúmið en þó ekki allar. Smávægilegir tæknilegir erfiðleikar gerðu okkur erfitt fyrir en nú er allt komið í lag og myndirnar streyma inn. Myndir frá því í dag fylgja svo í kjölfarið þegar þar að kemur.

Myndin er úr leik B-liða Þórs og KA í gær.

Fallega hvítt

Það snjóaði dálítið á Akureyri í fyrrinótt og í gær er ákaflega fallegt um að litast. Hvítt er því liturinn í - sá hvíti bragðaðist líka vel í gær því stelpurnar flykktust með ísrútunni inn í Brynju þar sem Goðamótið bauð öllum upp á ís að vanda. Sumar fengu sér auðvitað bleikan eða brúnan og hann var ekki síðri en sá hvíti...

Á myndinni eru nokkrar galvaskar stelpur úr Tindastóli, þar sem þær biðu eftir því fyrir utan Hamar að ísrútan færi af stað.

Nýjustu úrslit og leikir um sæti sunnudag. kl. 11:20

Leikjum dagsins er lokið!

 

Skrár tengdar þessari bloggfærslu:

• 5. flokkur 2010 - Úrslit leikja

Fyrstu myndirnar komnar í albúmið

Ljósmyndir frá Goðamótinu munu birtast í myndaalbúminu hægra megin á síðunni eftir því sem mótinu vindur fram eins og venja er orðin. Nokkrar myndir eru þegar komnar inn, úr 1. umferð mótsins í dag þegar A-liðin léku.

Á myndinni fagna leikmenn Breiðabliks marki í sigurleik gegn liði Grindavíkur fyrr í dag.