Blikastrákar hrepptu A-liðagullið

 

Breiðablik sigraði KA í úrslitaleik A-liðanna núna áðan og Blikarnir fögnuðu þar með sigri á mótinu. Gullstrákarnir eru ásamt þjálfara sínum á myndinni hér að ofan.

KR sigraði í keppni B-liða, vann Leikni í úrslitaleik og hjá C-liðunum urðu Fylkismenn hlutskarpastir. Þeir sigruðu KR í úrslitaleiknum.

KA-menn unnu gullverðlaun í keppni D-liðanna eftir úrslitaleik við okkar menn í Þór - úrslitaleikurinn var jafn eftir framlengingu og því var hlutkesti varpað og KA-menn höfðu heppnina með sér.

Tindastóll frá Sauðárkróki sigraði svo í E-liðakeppninni, Sauðkrækingarnir lögðu Gróttumenn að velli í úrslitaleiknum.

Myndir úr öllum úrslitaleikjunum koma inn á vefinn seinna í dag - verða í sunnudagsmöppunni - og þá koma líka inn myndir af öllum liðunum sem hlutu verðlaun.

Athugasemdir

[Magnamaður (IP-tala skráð) 16.3.2008 kl. 18:39]

Mig langar að koma því á framfæri að Ingólfur sem skoraði eitt mark fyrir E-lið Magna er aðeins sex ára, hann verður sjö ára í september. Ég held að það séu nokkuð miklar líkur á því að hann sé sá yngsti sem hefur skorað á Goðamóti ;)

[Magnús Guðjónsson, 16.3.2008 kl. 21:43]

Til hamingju  Blikar  þið  eruð  frábærir  og  búnir að setja fínan tón  í  árið,  einn  stoltur  faðir  í    Kópavogi.