Goðamótin árið 2013 - helstu upplýsingar!

Goðamót Þórs á Akureyri 2013!

 

Eins og undanfarna vetur mun knattspyrnudeild Þórs halda hin vinsælu Goðamót í nokkrum flokkum drengja og stúlkna í samvinnu við og með stuðningi Norðlenska. Mótin hefjast um miðjan dag á föstudegi og lýkur um miðjan dag á sunnudegi.

6. flokkur kvenna 1.-3. febrúar

5. flokkur karla 15.-17. febrúar

5. flokkur kvenna 1.-3. mars

6. flokkur karla 15.-17. mars

Á Goðamótunum er spilaður 7-manna bolti A, B, C, D, E, F-liða og allir leikir fara fram í Boganum, knattspyrnuhúsinu á Akureyri. Nema í 6.flokk kvenna þar er spilaður 5manna bolti.

Þátttökugjald er kr. 9.500. Innifalið í því er keppnisgjald, gisting, sund, morgunmatur laugardag og sunnudag, hádegishressing laugardag, kvöldmatur föstudag og laugardag, grill á sunnudegi fyrir brottför auk glaðnings frá styrktaraðila. Auk þess fara allir þátttakendur í Brynju og fá ís. Allt þetta fyrir aðeins kr. 9.500

Frítt er fyrir einn fararstjóra og/eða þjálfara með hverju liði frá félagi. ½ gjald fyrir hvern fullorðinn umfram það (mesta lagi tveir fullorðnir á lið).

 

Nú er í boði ýmis aukaafþreying með ótrúlegum afslætti fyrir keppendur á mótinu.

Skautahöllin 500 kr. á mann (með skautaleigu) fyrir iðkendur og fjölskyldur þeirra.

Paradísarland (innanhússkemmtigarður á Glerártorgi) 500 kr. á keppanda.

Sambíóin bjóða keppendum upp á bíó, popp og gos á einungis 950kr. Ef myndin er í 3d þá kosta gleraugu auka 150kr

Staðfestingargjald er kr. 10.000 (greiðist 4 vikum fyrir mót) á hvert lið og dregst það frá í lokauppgjöri. Félög komi nauðsynlegum upplýsingum, fyrirspurnum og skráningu liða á framfæri með tölvupósti á [e-mail]